Қорақалпоғистон Республикаси ИИВ раҳбариятининг навбатдаги сайёр қабули ўтказилди
2026-01-30 11:55:00 / Янгиликлар
Қорақалпоғистон Республикаси Ички ишлар вазири ўринбосари — Тергов бошқармаси бошлиғи томонидан жисмоний ва юридик шахсларнинг мурожаатларини кўриб чиқиш, фуқароларнинг соҳа билан боғлиқ муаммоларига ижобий ечим топиш мақсадида Нукус тумани Халқ қабулхонаси биносида навбатдаги Сайёр қабул ўтказилди.
Сайёр қабул давомида асосий эътибор, мурожаат билан келган фуқароларнинг муаммоларини жойида ҳал этиш ҳамда уларга ҳуқуқий маслаҳатлар беришга қаратилди, бунинг учун масъул ходимлар иштироки таъминланди.
Сайёр қабул жараёнида 15 дан ортиқ фуқароларнинг суд-ҳуқуқ масалалари бўйича мурожаатлари қабул қилиниб, уларнинг 8 таси жойида ижобий ҳал этилди.
Айрим мурожаатларни ўрганиш ва вақт талаб этиши инобатга олиниб, мутасадди идораларга тегишли топшириқлар берилиб, ижроси назоратга олинди ва мурожаат эгаларига ҳуқуқий тушунтиришлар берилди.
Қорақалпоғистон Республикаси ИИВ Ахборот хизмати