Сурхондарё вилояти Бойсун туманида хавфсиз муҳитни таъминлаш ва ёшлар билан манзилли ишлаш масалалари кўриб чиқилди
2026-01-30 11:45:00 / Янгиликлар
Сурхондарё вилояти ИИБ бошлиғи полковник Тимур Исмаилов Бойсун туманида бўлиб, ҳудудларда жиноятчиликнинг олдини олиш ва «Хавфсиз маҳалла» тамойилини жорий этиш борасидаги ишларни ўрганди. Маҳалла еттилиги билан ўтказилган мулоқотда Президентнинг ПҚ-1-сонли қарори ижроси, ҳудудларни камералаштириш, кибержиноятларга қарши курашиш ва йўл ҳаракати хавфсизлигини таъминлаш масалаларига алоҳида эътибор қаратилди. Аниқланган камчиликларни бартараф этиш ва профилактик тадбирларни кучайтириш юзасидан масъулларга қатъий топшириқлар берилди.
Шунингдек, туманда уюшмаган ёшлар билан ўтказилган учрашувда уларнинг бандлигини таъминлаш, касб-ҳунарга йўналтириш ва муаммоларини ҳал этиш чоралари кўрилди. Вилоят ИИБ бошлиғи ёшларни қонунга ҳурмат руҳида тарбиялаш ва бўш вақтларини мазмунли ташкил этиш юзасидан ҳаётий тавсиялар бериб, уларнинг ташаббусларини қўллаб-қувватлади. Ушбу тадбирлар ҳудудда ижтимоий барқарорликни мустаҳкамлаш ва аҳоли осойишталигини таъминлашга қаратилган.
Сурхондарё вилояти ИИБ Ахборот хизмати