Қорақалпоғистон Республикаси Ички ишлар вазирлигида «Раҳбар ва ёшлар» учрашуви бўлиб ўтди
2026-01-28 10:40:00 / Янгиликлар
Учрашувда Қорақалпоғистон Республикаси Ички ишлар вазири, полковник Бахтийар Торебеков ички ишлар органларида хизмат қилаётган ёш ходимлар билан очиқ мулоқот ўтказди.
Тадбир давомида ёш мутахассисларнинг хизмат фаолияти, уларнинг касбий ривожланиши, хизмат давомида дуч келаётган муаммолар ва уларни ҳал этиш масалалари муҳокама қилинди. Вазир ёш ходимларнинг ташаббус ва таклифларини тинглаб, уларга амалий тавсиялар берди.
Шунингдек, учрашувда ёшларнинг маънавий-ахлоқий тарбияси, хизмат интизоми, ватанпарварлик руҳини ошириш ва қонун устуворлигини таъминлашда ёш кадрларнинг ўрни алоҳида таъкидланди.
Учрашув якунида хизмат фаолиятида фаоллик кўрсатаётган ёш ходимларнинг ота-оналарига миннатдорлик билдирилиб, уларга пул мукофотлари топширилди.
Қорақалпоғистон Республикаси ИИВ Ахборот хизмати