Наманган вилоят ҳокимлигида таълим соҳасида амалга оширилаётган ишлар, эришилаётган натижалар ва мавжуд муаммолар муҳокама қилинди
2026-01-27 09:00:00 / Янгиликлар
Наманган вилояти ҳокими Шавкатжон Абдураззоқов раислигида видеоселектор тарзида ўтказилган йиғилишда ҳуқуқни муҳофаза этувчи органлар раҳбарлари, шаҳар ва туманлар ҳокимлари, уларнинг соҳа бўйича ўринбосарлари, таълим муассасалари мутасаддилари ҳамда маҳалла раислари иштирок этди.
Вилоят ҳокими ёшлар таълим-тарбияси йўналишида олиб борилаётган ишлар, эришилган ютуқлар ва мавжуд камчиликларни аниқ мисоллар асосида атрофлича таҳлил қилди. Хусусан, умумтаълим ҳамда касб-ҳунар таълими соҳасидаги ҳолат танқидий кўриб чиқилди.
Шунингдек, йиғилиш кун тартибидаги масалалар юзасидан Наманган вилояти ИИБ бошлиғи томонидан иштирокчиларга батафсил маълумотлар ва келгусидаги устувор вазифалар ҳақида маълумот берилди.
Йиғилиш давомида аниқланган камчиликларни бартараф этиш бўйича таълим тизими мутасаддилари, шаҳар ва туманлар ҳокимларига тегишли топшириқлар берилди.
Вилоят раҳбари ёшлар таълим-тарбиясида сифат ва самарадорликка эришиш нафақат таълим муассасалари, балки кенг жамоатчиликнинг ҳам муҳим вазифаси эканини таъкидлаб, соҳада кечиктириб бўлмайдиган устувор вазифаларга алоҳида эътибор қаратди. Ушбу йўналишда тегишли чора-тадбирлар белгилаб олинди.
Наманган вилояти ИИБ Ахборот хизмати