Қорақалпоғистон Республикаси Ички ишлар вазирлиги раҳбарияти томонидан жисмоний ва юридик шахсларнинг мурожаатларини кўриб чиқиш мақсадида навбатдаги шахсий қабул ўтказилди
2026-01-26 11:30:00 / Янгиликлар
Ушбу қабул аҳолининг ҳуқуқ ва қонуний манфаатларини ҳимоя қилиш, шунингдек, фуқаролар ҳамда ташкилотлар томонидан кўтарилаётган муаммоларни ўз вақтида ҳал этишга қаратилди.
Шахсий қабул давомида фуқаролар, томонидан билдирилган мурожаатлар, ариза ва шикоятлар атрофлича ўрганилди. Хусусан, ички ишлар органлари фаолияти, жамоат хавфсизлигини таъминлаш, ҳуқуқбузарликларнинг олдини олиш, кадрлар масаласи ҳамда бошқа йўналишларга оид мурожаатлар тингланди.
Ҳар бир мурожаат юзасидан амалдаги қонунчилик талабларига мувофиқ тегишли тушунтиришлар берилди. Айрим масалалар жойида ҳал этилган бўлса, қўшимча ўрганишни талаб этувчи мурожаатлар бўйича масъул таркибий бўлинмаларга аниқ топшириқлар берилди ҳамда уларнинг ижроси белгиланган тартибда назоратга олинди.
Шахсий қабул якунларига кўра, аҳоли билан бевосита мулоқот қилиш, уларнинг мурожаатларига ўз вақтида ва сифатли жавоб бериш ички ишлар органлари фаолиятининг устувор йўналишларидан бири эканлиги таъкидланди.
Қорақалпоғистон Республикаси ИИВ Ахборот хизмати