Сурхондарё вилоятида ёшлар билан мулоқот ўтказилди, шунингдек, вилоят маҳаллаларида хавфсиз муҳит ўрганилди
2026-01-24 13:05:00 / Янгиликлар
Сурхондарё вилоятида ИИБ бошлиғи полковник Тимур Исмаилов иштирокида ёшлар билан очиқ мулоқотлар ва маҳаллаларда хавфсиз муҳитни таъминлашга қаратилган ишлар амалга оширилмоқда. Ангор, Музработ ва Шеробод туманларида ташкил этилган учрашувларда ёшларнинг муаммо ва таклифлари тингланиб, уларни касб-ҳунарга йўналтириш, бандлигини ошириш, бўш вақтни мазмунли ташкил этиш масалаларига эътибор қаратилди. Шунингдек, ҳуқуқбузарликларнинг олдини олиш ва зарарли одатлардан воз кечиш юзасидан ҳаётий мисоллар асосида тушунтиришлар берилди.
Бундан ташқари, вилоят шаҳар ва туманларида Президентнинг 2026 йил 5 январдаги ПҚ-1-сон қарори ижроси доирасида жиноятчиликни барвақт олдини олиш, маҳаллаларда хавфсиз муҳитни яратиш, тунги хизматни тўғри ташкил этиш, камералаштириш ишлари, кибержиноятларнинг олдини олиш ҳамда ишсизликка қарши чоралар ўрганилди. Жарқўрғон тумани “Дўстлик” маҳалласида ўтказилган учрашувда жамоатчилик билан ҳамкорликда “ижтимоий профилактика” тадбирларини манзилли амалга ошириш бўйича топшириқлар берилди. Шу билан бирга, мавжуд камчиликлар кўрсатилиб, уларни бартараф этиш бўйича масъулларга аниқ вазифалар юклатилди.
Сурхондарё вилояти ИИБ Ахборот хизмати