Хоразм вилояти Ички ишлар бошқармаси раҳбарияти томонидан фуқароларнинг мурожаатларини жойида ўрганиш мақсадида Янгибозор туманининг “Янгиёп” маҳалласида навбатдаги сайёр қабул ўтказилди
2026-01-19 15:10:00 / Янгиликлар
Жорий йилнинг 18 январь куни Хоразм вилояти Ички ишлар бошқармаси раҳбарияти томонидан фуқароларнинг мурожаатларини жойида ўрганиш, уларни қийнаётган масалаларга қонуний ва амалий ечим топиш ҳамда аҳоли билан очиқ мулоқотни таъминлаш мақсадида Янгибозор туманининг “Янгиёп” маҳалласида навбатдаги сайёр қабул ўтказилди.
Мазкур сайёр қабулнинг асосий мақсади аҳолининг ички ишлар органлари фаолиятига оид мурожаатларини тўғридан-тўғри тинглаш, жойларда мавжуд муаммолар юзасидан фуқаролар фикрини ўрганиш ва уларни белгиланган тартибда ҳал этишдан иборат бўлди.
Қабул жараёнида фуқаролар томонидан ҳуқуқий, ижтимоий, маъмурий ва маиший йўналишлардаги бир қатор мурожаатлар билдирилди.
Жумладан, жамоат тартибини таъминлаш, жиноят ишларини кўриб чиқиш, профилактика инспекторлари фаолияти, фуқаролик-ҳуқуқий муносабатлар ҳамда бошқа масалалар юзасидан савол ва таклифлар билдирилди.
Ички ишлар бошқармаси раҳбарияти томонидан ҳар бир мурожаат синчиклаб тингланиб, айрим масалалар бўйича фуқароларга жойида ҳуқуқий тушунтиришлар берилди.
Қўшимча ўрганиш ёки тегишли чора кўришни талаб этган мурожаатлар масъул хизмат ва бўлинмаларга белгиланган тартибда юклатилиб, уларнинг ижроси бўйича қатъий назорат ўрнатилди.
Таъкидлаш жоизки, ички ишлар органлари фаолиятида фуқаролар билан очиқ ва самарали мулоқотни йўлга қўйиш, мурожаатларни холисона ва адолатли кўриб чиқиш ҳамда ҳар бир мурожаат ортида инсон манфаати турганини чуқур англаш устувор вазифалардан ҳисобланади.
Шу каби сайёр қабуллар аҳоли муаммоларини ўз вақтида ҳал этиш, давлат органларига бўлган ишончни мустаҳкамлаш ҳамда ички ишлар органлари фаолияти самарадорлигини оширишга хизмат қилади.
Хоразм вилояти ИИБ Ахборот хизмати