Андижон туманидаги таълим муассасасида ёшлар ўртасида жиноятчилик ва ҳуқуқбузарликларнинг олдини олиш бўйича амалга оширилаётган ишлар ҳолати ўрганилди
2026-01-11 09:45:00 / Янгиликлар
Андижон вилояти ИИБ бошлиғи, полковник Санжар Джабаров Ички ишлар вазирлигига бириктирилган Андижон туманида жойлашган 35-сон умумий ўрта таълим мактабида бўлиб, таълим муассасасида амалга оширилаётган ишлар билан яқиндан танишди.
Ташриф давомида мактабда ўқувчилар ўртасида жиноятчилик ва ҳуқуқбузарликларнинг олдини олиш борасида олиб борилаётган профилактик чора-тадбирлар, шунингдек, таълим-тарбия жараёнида ҳуқуқий маданиятни оширишга қаратилган ишлар муҳокама қилинди.
Шунингдек, жорий йилда мазкур таълим муассасасида янги ўқув биносини барпо этиш бўйича режалаштирилган қурилиш лойиҳаси билан танишилди. Янги бинонинг қурилиши мактабдаги ўқув жараёнини янада яхшилаш, ўқувчилар учун замонавий ва қулай таълим муҳитини яратишга хизмат қилиши таъкидланди.
Бундан ташқари, мактабнинг моддий-техника базасини мустаҳкамлаш мақсадида замонавий компьютер жамланмалари ва бошқа зарур анжомлар етказиб берилди. Бу эса ўқувчиларнинг ахборот технологиялари соҳасидаги билим ва кўникмаларини ошириш, дарсларни интерактив усулда ташкил этиш учун кенг имкониятлар яратади.
Ташриф якунида таълим муассасасида қонун устуворлигини таъминлаш, ёшларни ватанпарварлик ва қонунга ҳурмат руҳида тарбиялаш ишларини янада кучайтириш бўйича масъулларга аниқ вазифалар белгилаб берилди.
Андижон вилояти ИИБ Ахборот хизмати