“14 январь Ватан ҳимоячилари куни” муносабати билан Сурхондарё вилояти ички ишлар органлари ёш ходимлари ўртасида “Brain ring” интеллектуал ўйини ўтказилди
2026-01-08 18:25:00 / Янгиликлар
Ўзбекистон Республикаси Ички ишлар вазирининг 2025 йил 24 декабрдаги “Ўзбекистон Республикаси Қуролли Кучлари ташкил этилганлигининг 34 йиллиги ҳамда Ватан ҳимоячилари куни муносабати билан ички ишлар органларида маънавий-маърифий ва ҳарбий-ватанпарварлик тадбирларини юқори савияда ўтказиш тўғрисидаги тегишли фармойишига асосан, “Миллий армия – Она юрт қалқони, тинчлигимиз посбони!” шиори остида, вилоят ички ишлар органларида хизмат олиб бораётган ёш ходимлар ўртасида “Brain ring” интеллектуал ўйини ўтказилди.
Ташкил этилган мазкур интеллектуал ўйинда бошқарманинг соҳавий хизмат ва барча шаҳар-туман ички ишлар бўлимлари жамоаларидан ташкил топган жами 18 та жамоалар иштирок этишди.
Қизғин ва муросасиз кечган баҳсларда якуний натижаларга кўра 3-ўринни Бойсун тумани ички ишлар бўлими жамоаси, 2-ўринни вилоят Ангор тумани ички ишлар бўлими жамоаси қўлга киритган бўлса, мусобақанинг мутлақ ғолиби бўлган ҳолда 1-ўринни Сариосиё тумани ички ишлар бўлими жамоаси қўлга киритишди.
Тадбир сўнгида ғолиб жамоалар вилоят ички ишлар бошқармаси бошлиғининг диплом ҳамда қимматбаҳо эсдалик совғалари билан тақдирланди.
Албатта бу каби танловларни мунтазам равишда ўтказилиб борилиши, тизимда хизмат олиб бораётган ходимларнинг интеллектуал салоҳияти, дунёқараши ва маънавиятини юксалтириш, уларда китобхонлик маданиятини ошириш ҳамда нотиқлик хусусиятларини янада ривожлантиришга ёрдам беради.
Сурхондарё вилояти ИИБ Ахборот хизмати