Бухоро вилояти Ички ишлар бошқармасида хизмат фаолиятини такомиллаштириш ва бошқарув самарадорлигини оширишга қаратилган ўқув машғулотлари ўтказилди
2026-01-08 11:00:00 / Янгиликлар
Бухоро вилояти Ички ишлар бошқармасида шаҳар ва туман ИИБ бошлиқларининг хизмат бўйича ўринбосарлари иштирокида бошқарма раҳбарияти ҳамда соҳавий хизматлар томонидан ўқув машғулотлари ташкил этилди.
Мазкур ўқув машғулотлари раҳбар кадрларнинг касбий билим ва кўникмаларини ошириш, уларни амалдаги қонунчилик талабларидан хабардор этиш, бошқарув фаолиятини янада такомиллаштириш ҳамда хизмат фаолиятида самарадорликни ошириш мақсадида ўтказилди. Машғулотлар давомида хизматни тўғри ва самарали ташкил этиш, қонунийликка қатъий риоя этиш, хизмат интизомини мустаҳкамлаш масалалари юзасидан атрофлича тушунтиришлар берилди.
Шунингдек, ҳар бир соҳавий хизмат томонидан ўз фаолият йўналишига оид долзарб масалалар, мавжуд муаммо ва камчиликлар, уларни бартараф этиш йўллари, шунингдек, илғор иш тажрибаларига доир маълумотлар тақдим этилди. Назарий билимлар амалий мисоллар билан бойитилиб, тингловчиларнинг билим ва малакасини оширишга қаратилган ўқув-услубий тавсиялар берилди.
Мазкур ўқув машғулотлари шаҳар ва туман ички ишлар бўлимлари раҳбарларининг хизмат фаолиятини самарали ташкил этиш, бошқарув қарорларини ўз вақтида ва сифатли ижро этиш, шунингдек, ички ишлар органлари тизимида профессионал кадрлар салоҳиятини оширишда муҳим аҳамият касб этади.
Бухоро вилояти ИИБ Ахборот хизмати