Ички ишлар вазирлиги раҳбарияти томонидан Навоий вилояти ҳудудларида ўрганишлар олиб бормоқда
2026-01-07 10:55:00 / Янгиликлар
Вазир ўринбосари генерал-майор Баходир Мирзарахимов томонидан ўрганишлар давомида, Навоий вилояти ҳудудларида ҳуқуқбузарлик ва жиноятчиликнинг барвақт олдини олиш, фуқаролар томонидан келиб тушаётган мурожаатлар билан ишлаш, содир этилган жиноятларни «иссиқ изи»да фош этиш, ички ишлар органлари ходимларининг хизмат интизоми, қонунчиликка риоя этиш борасидаги бир қатор кўрсатмалар берилди.
Хусусан, вазир ўринбосари томонидан вилоят ҳудудидаги содир этилган жиноятларни аниқлаш уларнинг олдини олиш борасида Навоий вилояти ИИБ ходимлари томонидан белгиланган чора тадбирлар, тезкор қидирув тадбирлари, ўтказилаётган профилактик тадбирлар юзасидан яқиндан танишиб, мазкур йўналишларда амалга оширилиши лозим бўлган бир қатор кўрсатмалар белгиланди.
Вилоят ҳудудларида аҳоли хавфсизлигини таъминлаш ва аҳоли билан доимий алоқада бўлиш, аниқ ва манзилли чора-тадбирлар белгилаш юзасидан “Тараққиёт” МФЙ маҳалла еттилиги ҳамда ИИБ масъул ходимларига ҳуқуқбузарликлар профилактикаси бўйича амалга оширилаётган чора-тадбирлар, ҳудудида жамоат тартибини сақлаш борасида бир қатор кўрсатмалар берилди.
Вазир ўринбосарининг вилоятлар кесимидаги ўрганиш ишлари давом этмоқда.
Навоий вилояти ИИБ Ахборот хизмати