Наманганнинг энг фаол ёшлари эътироф этилди
2025-12-28 11:25:00 / Янгиликлар
2025 йилда ёшлар сиёсатида амалга оширилган ишлар сарҳисоб қилинди. Унинг натижаларига кўра, Наманган шаҳридаги «Маърифат маскани»да тантанали тақдирлаш маросими бўлиб ўтди.
Унда вилоятдаги ҳуқуқни муҳофаза қилувчи идоралар, Давлат ва жамоат ташкилотлари раҳбарлари, ёшлар вакиллари иштирок этдилар.
Наманган вилояти ҳокими Шавкатжон Абдураззоқов табрик сўзида барчани Янги йил билан қутлаб, Президентимиз бошчиликларида ёшлар мамлакатимиз тараққиёти ва келажаги учун масъул авлод сифатида доимо эътиборда эканини таъкидлади.
Шундан сўнг вилоятимизнинг йил давомида юқори натижаларга эришган бир қатор фаол ва иқтидорли ёшлари, турли танловлар ғолиблари, маҳалла еттилиги вакиллари, ёшлар етакчилари, оталиққа олинган ҳамда ишсиз ёшлар билан ишлашда фаоллик кўрсатган куч тузилмалари ҳамда масъул идоралар ходимлари вилоят ҳокимининг «Ташаккурнома»си ҳамда эсдалик совғалари тантанали равишда топширилди.
Наманган вилояти ИИБ Ахборот хизмати