Ички ишлар органлари тизимида ўтказилаётган “Ёшлар ҳафталиги-2025” доирасида “Раҳбар ва ёшлар“ форматидаги очиқ мулоқот ўтказилди
2025-12-27 20:35:00 / Янгиликлар
Бугунги кунда барча соҳаларда бўлгани каби, ички ишлар органларида ҳам ёш ходимларни профессионал кадрлар сифатида шакллантириш, хорижий давлатларнинг илғор тажрибалари асосида уларнинг билим ва малакасини ошириш, шунингдек, уларни Ватанга садоқат ва хизмат қасамёдига содиқлик руҳида тарбиялаш бўйича бир қатор устувор вазифалар белгилаб берилган.
Шу муносабат билан бугун Ички ишлар вазирлиги биносида Ички ишлар вазири маслаҳатчиси, подполковник Хуршидбек Рўзиев ҳамда Маънавий-маърифий ишлар хизмати бошлиғи ўринбосари полковник Жамшид Султановлар иштирокида Вазирлик Ёшлар иттифоқи етакчилар кенгаши масъул ходимлари ва ҳудудларда хизмат олиб бораётган ёшлар етакчилари билан “Раҳбар ва ёшлар учрашуви“ ташкил этилди.
Тадбир давомида ёш ходимларнинг фикр-мулоҳазалари, таклиф ва ташаббуслари тингланди.
Шунингдек, уларга хизмат фаолияти жараёнида хизмат интизомини мустаҳкамлаш, қонунчилик талабларига қатъий риоя этиш, фуқаролар билан муомала маданиятини ошириш ҳамда касбий маҳоратни доимий равишда ривожлантириб бориш юзасидан тавсиялар берилди.