ИИВ раҳбарияти томонидан Транспорт ва туризм объектларида хавфсизликни таъминлаш департаментида фуқаролар мурожаатлари, қонунчилик масалалари ва жорий йилдаги фаолиятга бағишланган сарҳисоб йиғилиши ўтказилди
2025-12-27 17:05:00 / Янгиликлар
ИИВ ўринбосари генерал-майор Мирзарахимов Баходир Юлдошевич бошчилигида Ички ишлар вазирлиги Транспорт ва туризм объектларида хавфсизликни таъминлаш департаментида қонунчилик талабларининг ижроси, фуқаролар мурожаатларини кўриб чиқиш ҳолати ҳамда жорий йилда амалга оширилган фаолият натижаларига бағишланган сарҳисоб йиғилиши бўлиб ўтди.
Йиғилишда департамент томонидан транспорт инфратузилмаси ва туризм объектларида жамоат хавфсизлигини таъминлаш, ҳуқуқбузарликларнинг олдини олиш, хизмат фаолиятини қонунчилик асосида ташкил этиш, шунингдек келиб тушган мурожаатларни ўз вақтида ва сифатли кўриб чиқиш бўйича амалга оширилган ишлар атрофлича таҳлил қилинди. Шу билан бирга, соҳада мавжуд муаммолар ва уларни бартараф этиш юзасидан кўрилиши лозим бўлган чора-тадбирлар муҳокама этилди.
ИИВ ўринбосари ўз нутқида қонун устуворлигини таъминлаш, хизмат интизомини мустаҳкамлаш, фуқаролар мурожаатлари билан ишлашда масъулиятни ошириш ҳамда транспорт ва туризм объектларида хавфсизликни янада кучайтириш масалаларига алоҳида эътибор қаратди. Йиғилиш якунида келгусидаги устувор вазифалар белгилаб олинди ва масъул раҳбарларга тегишли топшириқлар берилди.
Транспорт ва туризм объектларида хавфсизликни таъминлаш департаменти Ахборот хизмати