ИИВ Малака ошириш институтида «подполковник» унвонига тайёрлов курслари якунланди
2025-12-26 14:55:00 / Янгиликлар
Ички ишлар вазирлиги Малака ошириш институтида Ички ишлар органларида узлуксиз ўқув-карьера жараёни тизими асосида кадрларни тайёрлаш бўйича навбатдаги махсус малака ошириш ўқув курсларида ички ишлар органларининг турли соҳавий хизматларидан 127 нафар ходимлар «подполковник» махсус унвони олиш йўналишида ўқув тайёргарликдан ўтказилди.
Ўқув машғулотлари Институт профессор-ўқитувчилари ҳамда вазирлик соҳавий хизматлари билан ҳамкорликда замон талаблари асосида ишлаб чиқилган ўқув дастурлари асосида алоқа ва ахборот технологияларидан кенг фойдаланган ҳолда интерфаол усулларда олиб борилди.
Ўқув курси якунида ўтказилган синов ва имтиҳонларни муваффақиятли тамомлаган тингловчиларга белгиланган намунадаги сертификатлар топширилди.
Тадбирда сўзга чиққан тингловчилар бугунги сертификат ва оладиган навбатдаги «подполковник» махсус унвон катта масъулият юклашини таъкидлаб, ўқув курси давомида ўрганганлари хизмат фаолиятини ташкил этишда ўз самарасини беришини эътироф этдилар.
ИИВ Малака ошириш институти Матбуот хизмати