Янги йил арафасида Ички ишлар органлари ходимлари учун байрам ярмаркаси ташкил этилди
2025-12-26 14:05:00 / Янгиликлар
Янги йил байрами арафасида Ички ишлар вазирлиги марказий аппарати биносида Ички ишлар органлари ходимлари учун махсус байрам ярмаркаси ташкил этилди. Ушбу ярмарка хизмат вазифаларини сидқидилдан адо этиб келаётган ходимлар учун қўшимча қулайлик яратиш, уларнинг ижтимоий ҳимоясини мустаҳкамлаш ҳамда байрамолди харидларини осонлаштириш мақсадида ўтказилди.
Ярмаркада ходимлар учун кундалик эҳтиёж маҳсулотлари, жумладан, озиқ-овқат маҳсулотлари, мева-сабзавотлар ҳамда янги йил дастурхони учун зарур бўлган бошқа маҳсулотлар бозор нархларидан арзон ва қулай шартларда таклиф этилди. Бу эса хизмат билан банд бўлган ходимларнинг вақтини тежашига ва байрамга пухта тайёргарлик кўришига имкон яратди.
Мазкур тадбир Ички ишлар вазирлиги томонидан ходимларнинг ижтимоий қўллаб-қувватланишига, уларнинг меҳнатини муносиб қадрлашга қаратилган амалий ташаббуслардан бири ҳисобланади.
Хулоса қилиб айтганда, Янги йил арафасида Ички ишлар вазирлиги марказий аппаратида ташкил этилган байрам ярмаркаси ходимлар учун қулайлик яратиб, уларнинг байрам кайфиятини янада кўтаришга хизмат қилди.