ИИВ академияси ҳамда Россия Федерацияси Жазони ижро этиш федерал хизмати Ҳуқуқ ва бошқарув академияси ўртасидаги ҳамкорлик доирасида онлайн машғулот ташкил этилди
2025-12-26 08:20:00 / Янгиликлар
Унда ихтисослик кафедралардан профессор-ўқитувчилар, кундузги таълимнинг «ҳуқуқбузарликлар профилактикаси ва пробация фаолияти» ҳамда «жазони ижро этиш фаолияти» йўналишларида таълим олаётган курсантлар, шунингдек сиртқи таълим тингловчилари иштирок этди.
Россиялик мутахассис Олег Ананев пост-пенитенциар пробация қўлланиладиган шахслар билан ишлаш, уларнинг ижтимоий мослашуви, қайта интеграцияси ва реабилитациясини таъминлаш масалаларига тўхталиб, соҳадаги миллий қонунчилик ва амалиётга татбиқ қилинган тажрибалар билан ўртоқлашди.
Машғулот якунида жонли мулоқот уюштирилиб, пробация фаолиятини такомиллаштириш масалалари юзасидан фикр алмашилди.
ИИВ академияси Ахборот хизмати