Янги йил байрами муносабати билан фуқаролар хавфсизлигини таъминлаш, ёнғин ва фавқулодда ҳодисаларни олдини олиш мақсадида соҳа мутасаддилари ўрганишлар олиб борди
2025-12-23 12:15:00 / Янгиликлар
Навоий вилоят Ички ишлар ҳамда Фавқулодда вазиятлар бошқармалари бошлиқлари ҳамда бошқа дахлдор ташкилотлар масъуллари ҳамроҳлигида Навоий шаҳри марказида қад ростлаган арча атрофида ўрганишлар олиб борилди. Унда ҳуқуқбузарликлар ва жиноятларни олдини олиш, фуқаролар ва техника хавфсизлигини таъминлаш борасида амалга оширилган ишлар атрофлича кўздан кечирилиб жараёнда махсус транспорт воситалари ҳамда эҳтиёт шарт бўлиши лозим қурилмалар фаолияти ўрганилди.
Шунингдек, мазкур ҳудудда ташкил этилган савдо шохобчалари, арзонлаштирилган ярмаркалар ҳам кўздан кечирилиб, истеъмол маҳсулотларнинг сифати ҳамда пиротехника воситалари бўйича тушунтиришлар берилди.
Тинчликни сақлаш байрамни осойишта ўтказиш борасида масъулларга йўналишлар доирасида йўл-йўриқлар кўрсатилди.
Навоий вилояти ИИБ Ахборот хизмати