Замонавий экспертиза йўналишлари бўйича ўқув курслари якунланди
2025-12-18 21:20:00 / Янгиликлар
Ўзбекистон Республикаси Президентининг 2022 йил 8 февралдаги ПҚ–122-сонли «Ички ишлар органларининг эксперт-криминалистика фаолиятини замонавий илм-фан ютуқларини кенг жорий этган ҳолда янада такомиллаштириш чора-тадбирлари тўғрисида»ги қарори ижросини таъминлаш мақсадида, ички ишлар органлари эксперт-криминалистика бўлинмалари ходимларини қайта тайёрлаш ва уларнинг касбий малакасини оширишга қаратилган ўқув йиғинларини ташкил этиш режалаштирилди.
Мазкур қарор талабларига мувофиқ, «Электр таъсирли ва газли қуроллар экспертизаси», шунингдек «Пиротехника буюмлари экспертизаси» йўналишлари бўйича қайта тайёрлаш ўқув курслари ташкил этилиб, ўтказилди.
Ўқув курслари якунларига кўра, белгиланган дастурларни тўлиқ ўзлаштирган жами 18 нафар ходимга белгиланган намунадаги гувоҳномалар расмийлаштирилиб берилди.
ИИВ Эксперт-криминалистика бош маркази