Қорақалпоғистон Республикаси ИИВ раҳбариятининг навбатдаги шахсий қабули ўтказилди
2025-12-15 18:00:00 / Янгиликлар
Шахсий қабул давомида фуқаролар томонидан ички ишлар органлари фаолиятига тааллуқли, масалалар, тергов ва суриштирув ишлари, шунингдек, хизмат билан боғлиқ бошқа масалалар юзасидан мурожаатлар билдирилди.
Вазир томонидан ҳар бир мурожаат диққат билан тингланиб, қонунчилик доирасида тегишли тушунтиришлар берилди. Айрим масалалар бўйича масъул идора ва бўлинмалар раҳбарларига аниқ топшириқлар юклатилиб, мурожаатларни ўз вақтида ва сифатли ҳал этиш юзасидан назорат ўрнатилди.
Шунингдек, қабул жараёнида фуқароларнинг ҳуқуқ ва манфаатларини ҳимоя қилиш, ички ишлар органлари фаолиятининг очиқлиги ва шаффофлигини таъминлаш, аҳоли билан мулоқотни янада кучайтириш муҳимлиги алоҳида таъкидланди.
Бундай шахсий қабуллар фуқароларнинг мурожаатларини ўрганиш, мавжуд муаммоларни жойида ҳал этиш ҳамда аҳолининг ички ишлар органларига бўлган ишончини мустаҳкамлашга хизмат қилади.
Қорақалпоғистон Республикаси ИИВ Ахборот хизмати