ИИВ ҳузуридаги Жазони ижро этиш департаменти ва Ёзувчилар уюшмаси билан ўзаро ҳамкорлик меморандуми имзоланди
2025-12-14 09:00:00 / Янгиликлар
Мазкур меморандум Жазони ижро этиш тизими муассасаларида маънавий-маърифий ишларни янада кучайтириш, жазо муддатини ўтаётган шахслар орасида китобхонлик маданиятини ошириш, адабиёт ва санъат орқали уларнинг ижтимоий мослашувини таъминлашга қаратилган.
Шунингдек, ҳамкорлик доирасида таниқли ёзувчи ва шоирлар иштирокида ижодий учрашувлар, адабий кечалар, маҳорат дарсларини ташкил этиш, бадиий адабиётлар билан таъминлаш ҳамда иқтидорли маҳкумларнинг ижодий ишларини қўллаб-қувватлаш кўзда тутилган.
Меморандумдан кўзланган асосий мақсад — жазони ижро этиш муассасаларида соғлом маънавий муҳитни шакллантириш, инсонпарварлик тамойилларини мустаҳкамлаш, шахсни тарбиялаш ва уни жамиятга қайта мослашувига кўмаклашишдан иборат.
ИИВ ҳузуридаги Жазони ижро этиш департаменти Ахборот хизмати