ИИВ Малака ошириш институтида ички ишлар органлари ходимларининг хизмат маданияти ва имижини ошириш масалалари бўйича ўқув йиғини ташкил этилди
2025-12-13 11:10:00 / Янгиликлар
Ўзбекистон Республикаси Ички ишлар вазири, генерал-лейтенант А.А. Ташпулатов раҳбарлигида ҳамда Ўзбекистон Республикаси Президенти Администрацияси масъул раҳбари иштирокида ўтказилган видеоселектор йиғилишида ички ишлар органлари ходимларининг хизмат маданияти ва имижини ошириш масалалари бўйича раҳбарларга кескин танқидий эътирозлар билдирилди ва аниқ вазифалар юклатилди. Ушбу топшириқлар ижросини таъминлаш мақсадида Ички ишлар вазирининг фармойишига мувофиқ, жорий йилнинг 1 декабрь куни 104 нафар ва 9 декабрь куни яна 104 нафар шаҳар-туман ИИБ бошлиқларининг маънавий-маърифий ишлар бўйича ўринбосарлари учун вазирлик Малака ошириш институтида ўқув йиғини ташкил этилди.
Мазкур ўқув жараёни доирасида вазирлик Киберхавфсизлик маркази ходимлари билан ҳамкорликда видеоселектор йиғилишида белгиланган топшириқлар шахсий таркибга тўлиқ етказилди. Шунингдек, масъул раҳбарлар ва шахсий таркиб учун интернет ҳамда ижтимоий тармоқлардан фойдаланиш маданияти, ахборот хавфсизлиги талабларига риоя этиш, хизматда ва фуқаролар билан муносабатларда рақамли майдонда тўғри хулқ-atvor мезонлари бўйича амалий мастер-класс машғулотлари ўтказилди. Ўқув йиғини ички ишлар органларида ахборот маданиятини юксалтириш, ходимлар имижини такомиллаштириш ва рақамли маконда масъулиятли фаолиятни таъминлашга қаратилган муҳим амалий қадам бўлиб хизмат қилди.
ИИВ Малака ошириш институти