Ўзбекистон Республикаси Ички ишлар вазирлиги

Ўзбекистон Республикаси ИИВнинг 2025 йил 10-ноябрь кунидаги 416-сонли “Республикада об-ҳавонинг кескин пасайиши, ноқулай об-ҳаво шароити натижасида табиий газ, ичимлик суви ва энергетика соҳаларидаги узилишлар борасида эътирозлар ортиб бораётганлиги сабабли жамоат тартибини сақлаш ва фуқаролар хавфсизлигини таъминлаш тўғрисида”ги фармойиши ижросини таъминлаш ҳамда ҳудудларда Ёнғин хавфсизлиги қоидаларига риоя этилиши, ҳар хил кўнгилсиз ҳолатларнинг олдини олиш мақсадида, вилоят ИИБ бошлиғи полковник Тимур Исмаилов томонидан вилоят ҳудудида фаолият олиб бораётган озиқ – овқат ва тижорат бозорларида, ёнғин хавфсизлиги, экологик муҳитни яхшилаш, қиш мавсумини беталафот ўтказиш ва ободонлаштириш борасида амалга оширилган ишлар ҳолати ўрганилди.

Навбатдаги ўрганиш Олтинсой туманида давом эттирилиб, масъулларга газ ва электр таъминоти тизими ҳамда Фавқулодда вазиятлар бошқармаси ходимларидан иборат кичик ишчи гуруҳлар ташкил этилиш аҳолининг ҳаёти ҳамда мулки хавфсизлигини таъминлаш, бозор ҳудудида фаолият олиб бораётган савдо нуқталарида ёнғин хавфсизлиги қоидаларига амал қилиниши, иситиш тизимлари, қўлбола газ ва электр жиҳозлардан фойдаланиш, газ ва кўмирдан заҳарланиш ҳолатларининг олдини олиш бўйича тарғибот ва тушунтириш ишларини кучайтириш, экология ва атроф-муҳитга заҳарли ис газлари ва моддалар чиқишининг олдини олиш юзасидан тегишли топшириқлар берилиб, тадбиркорлик субъектлари янги замонавий экологик технологияларга ўтиши зарурлиги уқтирилиб, бозор мутасаддиларига экология ва атроф муҳитни асраш юзасидан назоратни кучайтириш, аҳолига хизмат кўрсатувчи ошхоналарнинг дуд бўронларига махсус фильтрлар ўрнатиш, бозор ишчи хизматчи ходимларига ҳамда тадбиркорларга хавфсизлик қоидаларига риоя қилишлари, ёнғин ўчириш автомобилларининг эркин ҳаракатланишини тадбиркорлар томонидан ўзбошимчалик билан тўсиб қўймасликлари юзасидан тегишли топшириқлар берилди.

Шунингдек, Президентимизнинг ПҚ–1-сонли қарори ижроси ҳамда “Аҳоли саломатлиги ва миллат генофондини гиёҳвандлик ҳамда наркожиноятлардан самарали ҳимоя қилиш бўйича комплекс чора-тадбирлар тўғрисида”ги Президент фармони ижросини таъминлаш мақсадида жорий йилнинг 20-ноябридан 20-декабрга қадар “Хавфсиз ва соғлом юрт” тезкор-профилактик тадбири доирасида маҳалла еттилиги билан ҳамкорликда амалга ошириладиган ишлар таъкидланиб, аниқланган камчиликларни бартараф этиш бўйича масъулларига тегишли топшириқлар берилди.

Ҳозирда вилоятнинг барча ҳудудларида аҳоли осойишталигини таъминлаш ва жиноятчиликнинг олдини олишга қаратилган ишлар давом эттирилмоқда.

Сурхондарё вилояти ИИБ Ахборот хизмати