Бухоро вилояти ИИБ бошлиғи, полковник Икромжон Турсунов томонидан Бухоро шаҳрида тунги жамоат тартибини таъминлаш ҳолати ўрганилди
2025-12-06 22:15:00 / Янгиликлар
Ўзбекистон Республикаси Президентининг 207-сонли Фармонида белгиланган вазифалар ижросини таъминлаш мақсадида жорий йилнинг 20-ноябридан 20-декабрига қадар республика бўйлаб ўтказилаётган “Хавфсиз ва соғлом юрт” кенг қамровли тезкор-профилактика тадбирининг учинчи босқичи доирасида Бухоро вилояти ИИБ бошлиғи томонидан 2025-йил 4-декабрдан 5-декабрга ўтар кечаси Бухоро шаҳрида тунги вақтларда аҳоли осойишталигини таъминлаш ҳолати ўрганилди.
Дастлаб, Бухоро шаҳар “Арк” қўрғони олдида ўрнатилаётган Янги йил арчаси жараёнлари ҳамда ушбу ҳудудда аҳолининг хавфсизлигини таъминлаш борасида амалга оширилаётган ишлар кўздан кечирилди.
Шундан сўнг, Бухоро шаҳар ИИО ФМБ 2-сонли ИИБ навбатчилик қисми ҳамда ҳуқуқбузарликлар профилактикаси бўлинмаси фаолияти билан танишилди.
Шунингдек, Бухоро шаҳар Ислом Каримов кўчасида тунги хизматга жалб қилинган Бухоро вилояти ИИБ ЖХХ ЙҲХБ ходимлари билан хизмат олди йўриқномаси ўтказилди.
Бухоро вилояти ҳокимлиги ҳузурида ташкил этилган куз-қиш мавсумига тайёргарлик штаби фаолияти билан танишилди ва ушбу йўналишда хизмат олиб бораётган соҳа ходимлари билан кунлик вазият муҳокама қилинди.
Бухоро шаҳар ИИО ФМБ 3-сонли ИИБ навбатчилик қисми фаолияти ўрганилди. 3-сонли ИИБ бошлиғининг криминоген вазият бўйича ахбороти тингланиб, мурожаатларга зудлик билан эътибор қаратиш, жиноят аломатлари мавжуд ҳолатлар бўйича тезкор-тергов гуруҳининг воқеа жойига чиқишини таъминлаш бўйича топшириқлар берилди.
Якунда Бухоро шаҳар ИИО ФМБ 1-сонли ИИБнинг навбатчилик қисми фаолияти ўрганилиб, мурожаатларнинг ўз вақтида ва қонуний ҳал қилиниши, шунингдек, жиноят аломатлари мавжуд ҳолатларга тезкор-тергов гуруҳининг дарҳол юборилиши бўйича йўриқнома берилди.
Бухоро вилояти ИИБ Ахборот хизмати