Сурхондарё вилояти ИИБ раҳбарияти томонидан ёнғин ва экологик хавфсизлик чоралари текширилмоқда ўрганилмоқда
2025-12-06 12:35:00 / Янгиликлар
Ўзбекистон Республикаси ИИВнинг 2025 йил 10-ноябр кунидаги 416-сонли “Республикада об-ҳавонинг кескин пасайиши, ноқулай об-ҳаво шароити натижасида табиий газ, ичимлик суви ва энергетика соҳаларидаги узилишлар борасида эътирозлар ортиб бораётганлиги сабабли жамоат тартибини сақлаш ва фуқаролар хавфсизлигини таъминлаш тўғрисида”ги фармойиши ижросини таъминлаш ҳамда ҳудудларда Ёнғин хавфсизлиги қоидаларига риоя этилиши, ҳар хил кўнгилсиз ҳолатларнинг олдини олиш мақсадида, жорий йилнинг 5 декабр куни вилоят ИИБ бошлиғи полковник Тимур Исмаилов ҳамда вилоят Фавқулодда вазиятлар бошқармаси бошлиғи, подполковник Шароф Шукуровлар томонидан вилоят ҳудудида фаолият олиб бораётган озиқ – овқат ва тижорат бозорларида, ёнғин хавфсизлиги, экологик муҳитни яхшилаш, қиш мавсумини беталофат ўтказиш ва ободонлаштириш борасида амалга оширилган ишлар ҳолати ўрганилди.
Ўрганиш давомида, масъулларга бозор ҳудудида фаолият олиб бораётган савдо нуқталарида ёнғин хавфсизлиги қоидаларига амал қилиниши, иситиш тизимлари, қўлбола газ ва электр печлардан фойдаланмаслик, экология ва атроф-муҳитга заҳарли ис газлари ва моддалар чиқишининг олдини олиш юзасидан тегишли топшириқлар берилиб, тадбиркорлик субъектлари янги замонавий экологик технологияларга ўтиши зарурлиги уқтирилиб, бозор мутасаддиларига экология ва атроф муҳитни асраш юзасидан назоратни кучайтириш, аҳолига хизмат кўрсатувчи ошхоналарнинг дуд бўронларига махсус филтрлар ўрнатиш, бозор ишчи хизматчи ходимларига ҳамда тадбиркорларга хавфсизлик қоидаларига риоя қилишлари, ёнғин ўчириш автомобилларининг эркин ҳаракатланишини тадбиркорлар томонидан ўзбошимчалик билан тўсиб қўймасликлари юзасидан тегишли топшириқлар берилди.
Бу борадаги ўрганиш ишлари вилоят бўйлаб давом этмоқда.
Сурхондарё вилояти ИИБ Ахборот хизмати