ИИВ Академиясида Ўзбекистон ва Молдова ўртасида одам савдосига қарши курашиш масалалари бўйича учрашув бўлиб ўтди
2025-12-05 10:00:00 / Янгиликлар
Жорий йил 3 декабрь куни ИИВ Академиясида Халқаро миграция ташкилоти кўмагида Молдова Республикаси ИИВ Полиция бош инспекцияси Одам савдосига қарши курашиш маркази бошлиғи В.Пшеничний ҳамда Ўзбекистон Республикаси мутасадди вазирлик ва идоралар вакиллари ўртасида учрашув бўлиб ўтди.
Учрашувда томонлар бугунги кунда одам савдосига қарши курашиш ва уни олдини олиш борасида иштирок этувчи Ўзбекистон ва Молдова масъул идоралари ўртасида илғор тажриба алмашиш, ҳамкорлик алоқаларини мустаҳкамлаш ва келгусида биргаликдаги бир қатор муҳим масалаларни амалга оширишни келишиб олдилар.
Шунингдек, тадбирда Молдова ИИВ делегациясига Академия фаолияти билан яқиндан таништирилди.
Меҳмонларга бакалавриат ва магистратура босқичлари, мутахассислик йўналишлари, таълим дастурлари, дарс машғулотларида қўлланилаётган инновацион ёндашувлар, илмий салоҳият кўрсаткичлари, халқаро ҳамкорлик алоқалари, шунингдек ўқув хоналарида яратилган шароитлар, моддий-техник базани ривожлантириш борасида амалга оширилаётган ишлар ҳақида батафсил маълумот берилди.
Дўстона ва конструктив рухда ўтган учрашув якунида Молдова Республикаси ИИВ Одам савдосига қарши курашиш маркази билан ҳамкорликда истиқболдаги вазифалар белгилаб олинди.