Ўзбекистон Республикаси Ички ишлар вазирлиги

Ўзбекистон Республикаси Президентининг 207-сонли фармонида белгиланган вазифалар ижросини таъминлаш мақсадида, шунингдек 20 ноябрдан 20 декабргача республика миқёсида ўтказилаётган «Хавфсиз ва соғлом юрт» тезкор-профилактика тадбирининг учинчи босқичи ҳамда вилоятда давом этаётган «Хавфсиз ҳудуд – долзарб 50 кунлик» махсус тадбир доирасида Бухоро вилояти ИИБ бошлиғи томонидан Қоровулбозор туманида тунги фаолият ҳолати ўрганилди.

Тадбир дастлаб туман ИИБда ташкил этилган навбатчилик қисми фаолиятини ўрганишдан бошланди. «102» тизими орқали келиб тушган мурожаатлар таҳлил қилинди.

Ташриф давомида, «Тинчлик» маҳалласидаги «Буюк ипак йўли» кўчаси бўйлаб пиёда ўрганиш амалга оширилиб, йўл бўйида жойлашган объектларнинг кечки фаолияти кўздан кечирилди.

Ҳудудда хизмат олиб бораётган ЙПХ инспекторларининг вазифаларни бажариш жараёни текширилиб, уларнинг хизмат мажбуриятлари юзасидан суҳбат ташкил этилди.

Шунингдек, туманнинг «Ёшлар боғи» ҳудудида хавфсизликка эътибор қаратилиб, навбатчилик қилаётган қўриқлаш хизмати ходимлари билан мулоқот ўтказилди.

Мазкур боғ ичида жойлашган Қоровулбозор спорт мактабининг фаолияти ўрганилиб, ёшларнинг спорт билан шуғулланиши бўйича шароитлар таҳлил қилинди.

«Чўлқувар» маҳалласида ҳам худди шундай ўрганишлар олиб борилиб, профилактика инспекторига ҳудудни қатъий назоратга олиш ва жиноятга сабаб бўлиши мумкин бўлган омилларни бартараф этиш бўйича топшириқ берилди.

Тадбирлар давомида, Қоровулбозор Тиббиёт бирлашмасига ташриф буюрилиб, беморлар ҳамда тиббиёт ходимлари учун яратилган шароитлар ўрганилди. Иситиш қозонлари, муассасанинг куз-қиш мавсумига тайёргарлик даражаси кўздан кечирилди.

Шундан сўнг «Тинчлик» маҳалласи раиси билан учрашилди, профилактика инспектори хонаси ҳолати ўрганилиб, жиноятчилик аҳволи бўйича берилган ҳисобот тингланди.

Жиноятларни олдини олиш юзасидан қўшимча топшириқлар берилди.

Бухоро вилояти ИИБ Ахборот хизмати