Замонавий криминологияда кибержиноятчиликка қарши курашнинг долзарб масалалари илмий-амалий жиҳатдан муҳокама қилинди
2025-11-28 11:25:00 / Янгиликлар
Тадбирда Бош прокуратура, Ички ишлар вазирлиги, Рақамли технологиялар вазирлиги, шунингдек, ҳуқуқ-тартибот идоралари ҳамда республикадаги нуфузли таълим муассасаларининг юксак салоҳиятга эга мутахассис-экспертлари ва олимлар иштирок этдилар.
Конференция доирасида кибержиноятчиликнинг замонавий тенденциялари, ахборот хавфсизлигини таъминлашда давлат ва нодавлат тузилмалар ўртасидаги ҳамкорлик механизмлари, халқаро тажрибада киберхавфсизликни мустаҳкамлаш усуллари, рақамли майдонда ҳуқуқбузарликларнинг олдини олиш стратегиялари ҳамда тергов-суриштирув жараёнларига илғор технологияларни татбиқ этиш имкониятлари муҳокама қилинди.
Тадбир якунлари бўйича ишлаб чиқилган илмий хулосалар ҳамда амалий таклифлар тўплам кўринишида расмий тарзда чоп этилиши, шунингдек, конференция мавзусига оид устувор йўналишлар бўйича масъул органларга тақдим этилиши учун алоҳида ахборот-таҳлилий ҳужжат тайёрлаш белгиланди.
Криминология тадқиқот институти