Бухоро вилоят ИИБ раҳбарияти томонидан ҳудудлардаги ижтимоий соҳа ва инфратузилма тайёргарлиги кўздан кечирилди
2025-11-26 10:00:00 / Янгиликлар
Ўзбекистон Республикаси Президентининг «2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида»ги ПҚ-1-сон қарори ижросини таъминлаш, жиноятчилик ва ҳуқуқбузарликларнинг барвақт олдини олиш, куз–қиш мавсумига тайёргарлик масалалари бўйича Бухоро вилояти ҳокими бошчилигида вилоят прокурори, вилоят ИИБ бошлиғи, вилоят солиқ бошқармаси бошлиғи ҳамда тегишли мутасадди ташкилотлар билан биргаликда вилоят «ишчи гуруҳи» томонидан кенг қамровли ўрганишлар олиб борилди.
Ташриф давомида, Когон шаҳридаги «Зиёкор» маҳалласи ҳамда Когон туманидаги ижтимоий соҳа объектларида ҳудудларнинг ободлиги, «намунавий хавфсиз кўча» ва «намунавий хавфсиз йўлак» тизими, шунингдек, жиноятчилик ва ҳуқуқбузарликларнинг барвақт олдини олиш борасида амалга оширилаётган ишлар ўрганилди.
Шунингдек, Бухоро тумани, Вобкент, Шофиркон ҳамда Ғиждувон туманларида куз–қиш мавсумига тайёргарлик жараёнлари, аҳолининг узлуксиз иссиқлик, электр ва табиий газ билан таъминланиши, ижтимоий соҳа объектларининг мавсумга тайёргарлик даражаси, йўл ва кўча инфратузилмасидаги мавжуд камчиликларни бартараф этиш, шу билан бирга ҳудудларда амалга оширилаётган қурилиш жараёнлари масалалари атрофлича муҳокама қилинди.
Бухоро вилоят ИИБ Ахборот хизмати