Қорақалпоғистон Республикаси Ички ишлар вазири томонидан жисмоний ва юридик шахсларнинг мурожаатлари юзасидан навбатдаги шахсий қабули ўтказилди
2025-11-25 11:30:00 / Янгиликлар
Қабулни Қорақалпоғистон Республикаси Ички ишлар вазири шахсан ўтказди. Унда фуқаролар томонидан турли соҳаларга оид масалалар — жумладан, ишга жойлаштириш, маъмурий жараёнлар, ҳуқуқбузарликларнинг олдини олиш ҳамда ички ишлар органлари фаолиятига доир таклиф ва шикоятлар билан боғлиқ мурожаатлар тингланди.
Ҳар бир мурожаат алоҳида ўрганилиб, фуқароларга ҳуқуқий тушунтиришлар берилди. Жойида ҳал этиш имкони бўлган масалалар бўйича тегишли бўлинмалар раҳбарларига аниқ кўрсатмалар берилди. Муддат талаб этувчи мурожаатлар эса назоратга олинди ва уларни ҳал этиш бўйича аниқ чора-тадбирлар белгилаб олинди.
Шу билан бирга, вазирлик раҳбарияти томонидан мурожаатларни қабул қилиш тизимини такомиллаштириш, фуқаролар билан очиқ мулоқотни кенгайтириш ҳамда уларнинг ишончини оширишга қаратилган ишлар изчил давом эттирилаётгани таъкидланди.
Шу кунга қадар ўтказилган шахсий қабуллар давомида юзлаб фуқароларнинг мурожаатлари кўриб чиқилиб, уларнинг аксарияти ижобий ҳал этилган. Бу эса аҳоли ва ички ишлар органлари ўртасидаги ҳамкорлик ва ишонч муносабатларини янада мустаҳкамлашга хизмат қилмоқда.
Қорақалпоғистон Республикаси ИИВ Ахборот хизмати