Наманган вилояти ИИБ бошлиғининг Уйчи тумани фуқаролари учун сайёр қабули ўтказилди
2025-11-22 11:45:00 / Янгиликлар
Наманган вилояти Ички ишлар бошқармаси раҳбарияти томонидан фуқароларнинг мурожаатлари билан ишлаш тизимини янада такомиллаштириш, аҳолининг муаммоларини ўрганиш ва уларнинг ечимини тезкор ҳамда самарали таъминлаш мақсадида мунтазам равишда шахсий ва сайёр қабуллар ташкил этиб келинмоқда.
Шу мақсадда Уйчи туманининг «Қашқар» маҳалласида ўтказилган навбатдаги сайёр қабул давомида бошқарма бошлиғи томонидан 19 нафар фуқаронинг турли йўналишлардаги мурожаатлари тингланди, уларнинг муаммолари бўйича батафсил ўрганишлар олиб борилди.
Қабул жараёнида мурожаатчиларнинг аризалари белгиланган тартибда расмийлаштирилиб, ҳуқуқий маслаҳатлар берилди. Шунингдек, 15 та мурожаат жойида ижобий ҳал этилиб, фуқароларга амалий ёрдам кўрсатилди.
Қўшимча ўрганиш талаб этиладиган мурожаатлар бўйича эса соҳавий хизмат раҳбарларига аниқ кўрсатма ва топшириқлар берилди ҳамда уларнинг ижроси бўйича масала алоҳида назоратга олинди.
Наманган вилояти ИИБ Ахборот хизмати