Наманган вилояти ИИБда “Хавфсиз ва соғлом юрт” кенг қамровли профилактик тадбирларини самарали ташкил этиш ҳамда жиноятчилик аҳволи муҳокама қилинди
2025-11-22 06:55:00 / Янгиликлар
Ўзбекистон Республикаси Президентининг 2025-йил 3-ноябрдаги “Аҳоли саломатлиги ва миллат генофондини гиёҳвандлик ва наркожиноятлардан самарали ҳимоя қилиш бўйича комплекс чора-тадбирлар тўғрисида”ги ПФ-207-сон Фармони ижросини таʼминлаш мақсадида, Республикамиз ҳудудида 20-ноябрдан 20-декабргача “Хавфсиз ва соғлом юрт” кенг қамровли профилактик тадбирлари ўтказилиши белгиланган.
Бугун шу муносабат билан, Бошқарма раҳбарияти ҳузурида соҳавий хизмат раҳбарлари ҳамда шаҳар-туман ИИБ бошлиқлари иштирокида муҳокама йиғилиши ўтказилди.
Йиғилишда дастлаб вилоят ҳудудида 10 ой 20 кун ичида содир этилган жиноятлар таҳлил қилиниб, йўл қўйилган камчиликлар танқидий руҳда кўриб чиқилди. Шу билан бирга, ички ишлар органларига келиб тушаётган мурожаатлар ва хабарларнинг ҳал этилиши аҳволи, тергов сифатини яхшилаш ҳамда бошқа муҳим соҳага оид масалалар муҳокама қилинди.
Шунингдек, бир ой давомида кенг қамровли профилактик тадбирларни самарали ташкил этиш, жиноятчилик ва ҳуқуқбузарликларнинг олдини олиш бўйича масʼул раҳбар ва ходимларга аниқ вазифалар белгилаб берилди.
Наманган вилояти ИИБ Ахборот хизмати