Қатар Ички ишлар вазирлиги делегацияси Пойтахтда кибержиноятларга қарши курашиш бўйича амалга оширилаётган ишлар билан танишди
2025-11-21 14:05:00 / Янгиликлар
Тошкент шаҳар Ички ишлар бошқармасининг Ахборот технологиялари соҳасидаги жиноятларга қарши курашиш бошқармасида жорий йилнинг 19 ноябрь куни Қатар давлати Ички ишлар вазирлиги делегацияси вакиллари билан ҳамкорликни кенгайтиришга бағишланган расмий музокаралар бўлиб ўтди.
Учрашувда делегация вакиллари сифатида Қатар ИИВ Полиция Академияси ҳузуридаги Хавфсизлик илмий-тадқиқотлар маркази раҳбари Жассим Муҳаммад Ал-Обаидли, Иқтисодий ва электрон жиноятлар департаменти директорининг ўринбосари Муҳаммад Ал Тани, Халқаро ҳамкорлик департаменти вакили Муҳаммад Ал-Наама, Жиноят-қидирув департаменти вакили Муҳаммад Ал-Маннаи ҳамда Қатар давлатининг Ўзбекистондаги элчиси Ҳасан Ҳамза Ҳошим иштирок этдилар.
Учрашув давомида ПҚ-153-сон қарор мазмун-моҳияти ҳамда кибермаданиятни юксалтириш ойлиги бўйича маълумотлар тақдим этилди.
Шунингдек, келгусида ҳамкорликни янада мустаҳкамлаш ва кенгайтириш бўйича қатор келишувлар имзоланди.