Ўзбекистон Республикаси Давлат байроғи қабул қилинганлигининг 34 йиллиги муносабати билан Сурхондарё вилояти Ички ишлар органларида хизмат олиб бораётган ёш ходимлар ўртасида “Заковат” интеллектуал ўйини ўтказилди
2025-11-15 13:40:00 / Янгиликлар
Давлатимиз раҳбарининг “Заковат” интеллектуал ўйинини аҳоли ўртасида оммавий-маърифий ҳаракатга айлантириш ва бошқа интеллектуал ўйинларни ривожлантиришга оид чора-тадбирлар тўғрисидаги тегишли қарорлари ва Ўзбекистон Республикаси Давлат байроғи қабул қилинганлигининг 34 йиллиги муносабати билан, “Бир Ватан, бир эл, бир байроқ” шиори остида жорий йилнинг 14-ноябр куни вилоят ички ишлар органлари ёш ходимлари ўртасида “Заковат” интеллектуал ўйини ташкил этилди.
Ушбу интеллектуал ўйинда бошқарманинг соҳавий хизмат ва барча шаҳар-туман ички ишлар бўлимларидан ташкил топган жами 17 та жамоалар иштирок этишди.
Қизғин ва муросасиз кечган баҳслар якуний натижаларига кўра 3-ўринни вилоят Йўл ҳаракати хавфсизлиги бошқармаси жамоаси, 2-ўринни Термиз шаҳар ички ишлар бошқармаси жамоаси эгаллаган бўлса, мусобақанинг мутлақ ғолиби бўлган ҳолда 1-ўринни Бойсун тумани ички ишлар бўлими жамоаси қўлга киритишди.
Танлов якунида ғолиб жамоалар бошқарма бошлиғининг диплом ҳамда эсдалик совғалари билан тақдирланишди.
Бу каби танловларни мунтазам равишда ўтказиб бориш, тизимда хизмат олиб бораётган ёш ходимларнинг хизмат фаолияти давомида, оқилона фикрлаш ҳамда тезкор қарор қабул қилишларида ёрдам беради.
Сурхондарё вилояти ИИБ Ахборот хизмати