ИИВ Жазони ижро этиш департаменти ходимлари самбо бўйича Жаҳон чемпионатида мамлакат шарафини муносиб ҳимоя қилди
2025-11-13 10:25:00 / Янгиликлар
Жорий йилнинг 7-9 ноябр кунлари Қирғиз Республикаси пойтахти Бишкек шаҳрида самбо бўйича катталар ўртасидаги Жаҳон чемпионати бўлиб ўтди.
Йилнинг энг муҳим стартида Ўзбекистон терма жамоаси аъзолари сафида ИИВ ҳузуридаги Жазони ижро этиш департаментининг Тезкор ҳаракатланувчи отряд ходимлари ҳам иштирок этишди.
Мусобақа якунига кўра, Ўзбекистон терма жамоаси вакиллари 8 та кумуш ва 2 та бронза медалларини қўлга киритишди.
Жаҳон чемпионатида совриндорлар орасида кумуш медалини қўлга киритган -64 кг: Ойбек Солиев (жанговар самбо), -88 кг: Соҳибжон Ҳасанбоев (жанговар самбо) ва +98 кг: Ислом Носировларнинг (жанговар самбо) ҳам борлиги қувонарли албатта.
Ушбу ғалаба билан ҳамкасбларимизни ИИВ раҳбарияти ва шахсий таркиби номидан муборакбод этамиз.
ИИВ ЖИЭД Ахборот хизмати