Сурхондарё вилояти Ички ишлар бошқармаси раҳбарияти томонидан Жарқўрғон туманида тунги фаолият, куз-қиш мавсумига тайёргарлик жараёнлари ўрганилди
2025-11-11 10:00:00 / Янгиликлар
Тадбир Президентимизнинг 2025 йил 3 январдаги ПҚ–1-сон қарорлари ижросини таъминлаш, жиноят ва ҳуқуқбузарликларни олдини олиш ҳамда аҳоли осойишталигини мустаҳкамлашга қаратилди.
Дастлаб, вилоят ИИБ бошлиғи полковник Тимур Исмаилов “Янги Ўзбекистон” маҳалласи профилактика инспекторининг хизмат фаолияти билан танишиб, жиноят ва ҳуқуқбузарликларни олдини олиш, фуқаролар хавфсизлигини таъминлаш борасида яратилган шароитлар кўздан кечирилди ва “Қалқон” жамоатчилик тузилмасига йўриқнома ўтказди.
Мазкур маҳаллада, тунги хизматга жалб еттилик, қиш мавсуми штаби аъзолари ва жамоатчилик билан суҳбатлашилиб, маҳаллани рақамлаштириш аҳволи ўрганилди, жиноятчилик тақдимоти кўрилиб “ижтимоий профилактик” тадбирларни манзилли ташкил этиш бўйича топшириқлар берилди.
Шунингдек, ушбу маҳаллада жойлашган “Янги Ўзбекистон” маҳалласида жойлашган “Сурхондарё вилоят иссиқлик таъминоти МЧЖ” РК-5 марказий қозонхонаси фаолияти билан танишилди.
Шундан сўнг, “Сурҳон соҳили” маҳалласида жойлашган “Инмарт” савдо марказида тунги хизматга жалб қилинган ходимлар билан жиноят ва ҳуқуқбузарликларни олдини олиш, борасида олиб борилаётган ишлар ҳамда соҳавий хизмат раҳбарлари билан келгусида амалга оширилиши лозим бўлган ишлар юзасидан йўриқнома ўтказилди.
Шунингдек, “Меҳнат-роҳат” маҳалласи профилактика инспекторининг хизмат фаолияти билан ҳам танишилиб, жиноят ва ҳуқуқбузарликларни олдини олиш, фуқаролар хавфсизлигини таъминлаш борасида яратилган шароитлар кўздан кечирилди.
Мазкур маҳаллада, тунги хизматга жалб этилган еттилик ва жамоатчилик билан суҳбатлашилиб, маҳаллада жиноятчиликни барвақт олдини олиш бўйича тақдимоти кўрилиб, профилактик ишларни манзилли ўтказиш бўйича қўшимча топшириқлар берилди.
Мазкур маҳаллада жойлашган Тиббиёт бирлашмасида тунги навбатчилик фаолияти, куз-қиш мавсумига тайёргарлик ишлари ўрганилиб, аниқланган камчилликларни бартараф этиш юзасидан тегишли кўрсатмалар берилди.
Ўрганиш давомида, Президентимизнинг ПҚ–1-сонли қарори ижроси ҳамда “Кибермаданиятни юксалтириш” ойлиги доирасида маҳалла еттилиги билан ҳамкорликда амалга ошириладиган ишлар бўйича тавсиялар берилди.
Ўрганиш якунида аниқланган камчиликларни бартараф этиш бўйича вилоят ва шаҳар ИИБ масъулларига тегишли кўрсатмалар берилди.
Ҳозирда вилоятнинг барча ҳудудларида аҳоли осойишталигини таъминлаш ва жиноятчиликнинг олдини олишга қаратилган тунги фаолият ишлари изчил давом эттирилмоқда.
Сурхондарё вилояти ИИБ Ахборот хизмати