Қорақалпоғистон Республикаси ИИВ раҳбарияти томонидан Тахиатош туманида аҳоли осойишталигини таъминлаш йўлида олиб борилаётган тунги хизмат фаолияти ўрганилди
2025-11-11 10:00:00 / Янгиликлар
Давлатимиз раҳбарининг ҳудудларда жиноятчиликни жиловлаш ва ҳуқуқбузарликларнинг барвақт профилактикасига қаратилган топшириқлари ижроси юзасидан Қорақалпоғистон Республикаси Ички ишлар вазири ўринбосари М.Т.Рахматуллаев томонидан тунги вақтда Тахиатош туманида ўрганиш ишлари олиб борилди.
Вазир ўринбосари М.Т.Рахматуллаев дастлаб тунги хизматга бириктирилган ходимлар фаолияти билан танишиб, жамоат тартибини сақлаш, жиноятчилик ва ҳуқуқбузарликларнинг олдини олиш, криминоген вазияти оғир бўлган ҳудудларнинг барқарорлигини таъминлаш, тунги вақтда йўл-транспорт ҳодисаларининг олдини олиш, ҳаракат хавфсизлигини таъминлаш бўйича топшириқлар берди.
Шунингдек, Тахиатош тумани тиббиёт бирлашмаси, Тахиатош тумани 6-сонли мактаб биносининг қўриқланиши ва куз-қиш мавсумига тайёргарлик ҳолати ўрганилиб, хавфсизликни таъминлаш бўйича тегишли кўрсатмалар берилди.
Бундан ташқари, Тахиатош тумани ҳудудида автомашиналар кўп ҳаракатланадиган ва йўл-транспорт ҳодисаси кўп юз берадиган «Ш.Рашидов» кўчасида ЙПХ нарядлари текширилиб йўл транспорт ҳодисасининг олдини олиш бўйича тегишли топшириқлар берилди.
Қорақалпоғистон Республикаси ИИВ Ахборот хизмати