ИИВ Қоровул қўшинлари қўмондонлигига қарашли ҳарбий қисмда аёл ҳарбий хизматчилар билан психологик тренинг ва профилактик суҳбат ташкил этилди
2025-11-08 09:00:00 / Янгиликлар
Тошкент вилоятида жойлашган ИИВ Қоровул қўшинлари қўмондонлигига қарашли 7534-сонли ҳарбий қисмда аёл ҳарбий хизматчилар ахлоқий-руҳий ҳолатини барқарорлаштириш, шахсий таркиб ўртасида соғлом рақобат муҳитини шакллантириш, уларнинг индивидуал ва жамоавий мулоқот маданиятини янада ошириш мақсадида психологик тренинг ва профилактик суҳбат ташкиллаштирилди.
Қоровул қўшинлари қўмондонлиги ва ҳарбий қисм масъуллари ҳамда аёл ҳарбий хизматчилар иштирокида ўтказилган учрашув аввалида, мутахассис психологлар томонидан аёл ҳарбий хизматчиларга бевосита хизмат вақтида юзага келиши мумкин бўлган руҳий босим ва стресс каби ҳолатларнинг келиб чиқиши ва сабаблари ҳамда уларни енгиш усуллари, психологик машғулотлар ва интерактив ўйинлар орқали етказилиб, оилавий турмуш тарзи ва хизмат мажбуриятлари ўртасидаги мувозанатни тўғри йўлга қўйиш бўйича амалий тавсиялар берилди.
Шундан сўнг, аёл ҳарбий хизматчилар билан ҳарбий хизматни ўташ тартибига қарши жиноятлар, интизом бузилиш ҳолатлари ва уларнинг салбий оқибатлари ҳақида профилактик суҳбат ўтказилди.
Бир сўз билан айтганда, бундай тадбирлар аёл ҳарбий хизматчилар хизмат фаолиятини самарали ташкил этилиши, уларда руҳий барқарорликни таъминлаш ҳамда ҳуқуқий саводхонлигини оширишга хизмат қилди.
ИИВ Қоровул қўшинлари қўмондонлиги Ахборот гуруҳи