Ўзбекистон Республикаси Ички ишлар вазирлиги

Шу доирада, бошқарма раҳбари навбатдаги ўрганиш давомида Ўзбекистон Республикаси Ички ишлар вазирлиги Қоровул қўшинларига қарашли 7552-сонли ҳарбий қисм фаолиятини кўздан кечирди. Ташриф давомида ҳарбий хизматчиларнинг хизмат фаолияти, уларга яратилган шарт-шароитлар, шунингдек, куз-қиш мавсумига тайёргарлик ҳолати атрофлича ўрганилди. Хусусан, “Маънавият маркази”, ошхона, автосарой, ётоқхона ва бошқа объектлар билан танишилди. Ҳарбий қисм раҳбариятига хизмат интизомини мустаҳкамлаш, ходимларнинг ўз вазифаларини бажаришда қонунийлик ва тартиб-интизомга қатъий риоя этишини таъминлаш юзасидан кўрсатмалар берилди.

Шунингдек, комплекс ўрганиш ишлари доирасида ҳудудларда тунги хизмат фаолиятининг самарали ташкил этилиши ҳамда ижтимоий соҳа объектларининг куз-қиш мавсумига тайёргарлик ҳолати ўрганилмоқда. Навбатдаги ўрганиш ишлари Чуст туманида ўтказилиб, дастлаб “Чуст гулзори” маҳалласи профилактика инспекторининг фаолияти кўздан кечирилди. Маҳаллада хавфсиз муҳитни таъминлаш, жиноятчилик ва ҳуқуқбузарликларнинг олдини олиш бўйича тегишли вазифалар белгилаб берилди.

Бундан ташқари, Қўриқлаш бўлими ходимларининг жанговар шайлиги ва ташвиш сигнали бўйича ҳаракатлари синовдан ўтказилди. Уларга тунги вақтларда ҳушёрликни ошириш, қўриқланаётган объектларни доимий назорат қилиб бориш ва хизмат интизомини мустаҳкамлаш бўйича аниқ топшириқлар берилди.

Шунингдек, 52-сонли давлат мактабгача таълим ташкилотининг куз-қиш мавсумига тайёргарлик ҳолати, ёқилғи захираларининг сақланиши ва хоналарда тарбияланувчилар учун яратилган шароитлар ўрганилди. Масъулларга мавсумни беталофат ўтказиш, иссиқлик тизимининг узлуксиз ишлашини таъминлаш ҳамда ёнғин хавфсизлиги талабларига қатъий риоя этиш юзасидан кўрсатмалар берилди.

Ушбу ўрганишлар натижалари ички ишлар тизимида хизмат фаолиятини янада такомиллаштириш, ходимлар учун қулай шароитлар яратиш ҳамда аҳоли хавфсизлигини таъминлашга хизмат қилмоқда.

Наманган вилояти ИИБ Ахборот хизмати