Навоий вилояти Навбаҳор туманидаги ўрганишлар давомида криминоген вазиятни яхшилаш ва куз-қиш мавсумига тайёргарлик жараёнлари кўздан кечирилди
2025-11-07 11:30:00 / Янгиликлар
Тобора яқинлашиб келаётган қиш мавсумини беталофат ўтказиш, фуқароларни сифатли энергия таъминоти билан таъминлаш ҳамда ҳудудда олиб борилаётган профилактик ишларни ўрганиш мақсадида Навоий вилояти ИИБ бошлиғи Навбаҳор туманида бўлди.
Дастлаб, «Болалар фтизиатрия сиҳатгоҳида» ва »Психиатрия хизмати бўйича Навоий вилояти филиали»да бўлиб, иситиш тизими, қозонхоналар ва беморларга яратилган шарт-шароитлар билан танишди. Мутасаддиларга мавсум даврида биноларга иссиқликнинг узлуксиз етказиб бериш, мавжуд камчиликларни бартараф этиш лозимлиги таъкидланиб зарур йўл-йўриқлар кўрсатилди.
Шунингдек, Бошқарма бошлиғи тунги хизматга жалб қилинган ходимлар фаолиятини ўрганди. Аҳоли гавжум жойлар, савдо марказлари ҳудудларида сергакликнинг ошириш, ўғирлик, талончилик, тан жароҳати ва йўл транспорт ҳодисалари билан боғлиқ ҳолатларни олдини олишда хизматга масъулият билан ёндашиш кераклигини таъкидлади.
Навоий вилояти ИИБ Ахборот хизмати