“Khiva Lokomotiv Hotel” меҳмонхонасини очиқ савдо жараёнлари “E-auksion” электрон савдо платформасида давом эттирилади
2025-06-25 10:50:00 / Янгиликлар
Аввал хабар берилганидек, тегишли хусусийлаштириш дастурига мувофиқ, “Xiva Lokomotiv” МЧЖ (“Khiva Lokomotiv Hotel” меҳмонхонаси) устав капиталидаги давлат улушини (кейинги ўринларда – Актив) очиқ савдо жараёнлари бошланган.
Дастлабки савдо жараёнлари “RSM Uzbekistan” компанияси маслаҳатчилигида олиб борилган. Савдо жараёнларида иштирок этган талабгорларнинг таклифлари Активнинг нарх кутилмасига мувофиқ эмаслигини инобатга олиб, савдо механизмини ўзгартириш тўғрисида Хусусийлаштириш давлат комиссиясининг тегишли қарори қабул қилинган.
Шунга кўра, мазкур Актив бўйича хусусийлаштириш жараёнлари кейинги ўринларда “E-auksion” электрон савдо платформасида давом эттирилади.
Актив тўғрисида қисқача маълумот:
- “Khiva Lokomotiv Hotel” меҳмонхонаси
- Сотилаётган улуш: 100 фоиз;
- Манзили: Хоразм вилояти, Хива шаҳри, “Янгиҳаёт” МФЙ, А.Темур кўчаси;
- Умумий майдони: 0,7407 га;
- Бино-иншоотларнинг эгаллаган умумий майдони: 2 802,3 кв.м.;
- Активнинг бошланғич нархи: 49 825 842 000 сўм;
- Савдо ташкилотчиси: “E-auksion” электрон савдо платформаси;
- Лот рақами: 16122810 (ҳаволага ўтиш).
Мазкур меҳмонхона 154 та меҳмонларни сиғдира оладиган 6 хил турдан иборат 78 та (жумладан, 14 та бир кишилик, 6 та икки кишилик стандарт, 48 та алоҳида икки кишилик стандарт, 6 та уч кишилик, 2 та люкс ва 2 та апартамент) хоналари мавжуд.
Актив ҳақидаги барча маълумотлар, жумладан молиявий-иқтисодий кўрсаткичлар тўғрисидаги маълумотлар билан “E-auksion” электрон савдо платформаси (www.e-auksion.uz) орқали танишиш мумкин.