Хивадаги меҳмонхоналар ва “UZ CHASYS” МЧЖнинг очиқ савдо жараёнлари юзасидан ахборот
2025-04-24 16:10:00 / Янгиликлар
Аввал хабар берилганидек, тегишли хусусийлаштириш дастурларига мувофиқ, Давактив агентлиги томонидан “Xiva Plaza” МЧЖ (“Farovon Khiva Hotel” меҳмонхонаси), “Xiva Lokomotiv” МЧЖ (“Khiva Lokomotiv Hotel” меҳмонхонаси) ва “UZ CHASYS” МЧЖлар устав капиталидаги давлат улушларини (кейинги ўринларда – "Активлар") очиқ савдо жараёнлари бошланган.
Ўз навбатида, ушбу Активларни хусусийлаштириш жараёнини халқаро тажриба асосида амалга ошириш мақсадида, Хивадаги меҳмонхоналар учун “RSM Uzbekistan” ва “UZ CHASYS” МЧЖ учун “Portfolio Investments” (кейинги ўринларда – "Консультантлар") компаниялари хусусийлаштириш бўйича Консультант сифатида жалб этилган.
Аввал берилган ахборотга мувофиқ, “Xiva Plaza” МЧЖ бўйича 2 нафар, “Xiva Lokomotiv” МЧЖ бўйича 5 нафар, “UZ CHASYS” МЧЖ бўйича 2 нафар талабгорлар савдо жараёнларининг Мажбуриятга эга бўлган таклифларни (BO) қабул қилиш босқичига ўтказилган.
Белгиланган муддатларда “Xiva Lokomotiv” МЧЖ ва “UZ CHASYS” МЧЖларнинг ҳар бири бўйича 2 нафар талабгорлардан Мажбуриятга эга бўлган таклифлар (BO) қабул қилинди ҳамда “Xiva Plaza” МЧЖ бўйича таклифлар келиб тушмади. Консультантларнинг таҳлилига асосан қабул қилинган таклифлар Активларнинг сотилиши мумкин бўлган бозор қийматдан паст бўлганлигини инобатга олиб, сотиш жараёнлари Активни сотиб олиш бўйича қизиқиш билдириш (EoI) босқичидан давом эттириш бўйича таклиф берилди.
Шунга кўра, Давактив агентлиги барча манфаатдор томонлар ва салоҳиятли инвесторларга Активларни устав капиталидаги давлат улушларини хусусийлаштириш жараёнининг Активни сотиб олиш бўйича қизиқиш билдириш (Express of Interest) босқичи муддати 2025 йил 26 май куни соат 23:59 га (Тошкент вақти билан) қадар узайтирилганлигини маълум қилади.
Шу билан бирга, аввалги чоп этилган Активларни сотиб олиш бўйича қизиқиш билдириш босқичи бошланганлиги тўғрисидаги эълонларнинг қолган барча бандлари ўзгаришсиз қолмоқда.
Давактив агентлиги хусусийлаштириш жараёнларининг ҳар бир босқичи тўғрисида жамоатчиликни қўшимча тарзда хабардор қилиб борилишини таъминлайди.
Дисклеймер
Ушбу эълон ёки унинг мазмунининг бирон-бир қисми мазкур эълон чоп этилишидан келиб чиқиб тахмин қилиниши мумкин бўлган Давлат активлари агентлиги ва “Portfolio Investments”нинг Активларни сотиш билан боғлиқ бирор-бир шаклдаги мажбурияти сифатида талқин қилинмаслиги керак. Давлат активлари агентлиги ва “Portfolio Investments” ўз хоҳишига кўра ҳар қандай вақтда ва ҳар қандай муносабатда, биргаликдаги ёки шахсий жавобгарликни ўз зиммаларига олмасдан:
(i) аризалар бериш муддатига ўзгартириш киритиш;
(ii) савдо жараёнларининг босқичлари бўйича ўзгартириш киритиш;
(iii) турли хил манфаатдор томонлар учун турли хил тартиб-қоидалар бўйича иш тутиш ва/ёки Давлат активлари агентлиги ва “Portfolio Investments” томонидан кўзда тутилган режа-жадвал ва тартиб доирасида исталган бошқа потенциал харидорни (харидорларни) олдиндан огоҳлантирмасдан чиқариб ташлаган ҳолда бир ёки бир нечта потенциал харидорлар билан музокаралар олиб бориш;
(iv) ҳар қандай сабабга кўра сотиш жараёнини тўхтатиш;
(v) ва/ёки исталган вақтда ва сабабларни тушунтирмасдан Савдога тааллуқли бўлган ҳар қандай потенциал харидор (харидорлар) билан ҳар қандай муҳокама ва музокараларни тугатиш ҳуқуқларини ўзида сақлаб қолади.
Давлат активлари агентлиги сотиш жараёнининг кетма-кетлигини ўзгартириш ёки иштирокчилар ва потенциал харидорга (харидорларга) сотишни ёки сабабларини тушунтирмасдан исталган вақтда улар билан музокара олиб боришни рад этиш ҳуқуқини ўзида сақлаб қолади.