«Долзарб 40 кун» дастури доирасида Хатирчи туманининг “Қорача”, “Найман”, “А.Навоий” ва “Дамариқ” маҳаллаларида манзилли ўрганишлар олиб борилди
2026-08-01 13:30:00 / Янгиликлар
Давлат активлари агентлиги раҳбарияти Хатирчи туманидаги «Қорача», «Найман», «А.Навоий» ва «Дамариқ» маҳаллаларида бўлиб, дастур ижроси, аҳоли бандлиги ҳамда инфратузилмани яхшилаш бўйича белгиланган вазифалар ижросини жойига чиқган ҳолда ўрганди.
«Қорача» МФЙда 61 нафар, «Найман» МФЙда 44 нафар, «А.Навоий» МФЙда 31 нафар ва «Дамариқ» МФЙда 35 нафар ишсиз фуқаронинг бандлигини таъминлаш чоралари кўрилмоқда.
Дастур доирасида «Қорача» маҳалласида 4,5 км ички йўлларни асфальтлаш, 11,9 км электр тармоғини ҳамда 1 та трансформаторни янгилаш, 7,5 км ичимлик суви тармоғини таъмирлаш ишлари амалга оширилади.
Шунингдек, «Найман» маҳалласида 17 нафар фуқарога 197 млн сўм, «А.Навоий» маҳалласида 1,9 млрд сўм, «Дамариқ» маҳалласида эса 2 млрд сўмга яқин имтиёзли кредит маблағларини йўналтириш орқали тадбиркорлик ва аҳоли бандлигини қўллаб-қувватлаш режалаштирилган.
“Долзарб 40 кун” дастури доирасида маҳаллаларда аҳоли бандлигини таъминлаш, муҳандислик-коммуникация инфратузилмасини яхшилаш ва тадбиркорликни ривожлантириш бўйича ишлар изчил давом эттирилмоқда.