Ilmiy-metodik kengashning asosiy vazifalari:

• Bilim va malakalarni baholash agentligiga yuklangan vazifalarning sifatli amalga oshirilishi;
• Bilim va malakalarni baholash agentligi faoliyatiga oid ilmiy, metodik va normativ-huquqiy hujjatlarni ko‘rib chiqish va loyihalarini tayyorlash;
• hayʼat kun tartibiga dolzarb masalalar bo‘yicha takliflar kiritish hisoblanadi.

  Ilmiy-metodik kengash:

• Bilim va malakalarni baholash agentligi boshqarma va bo‘limlari to‘g‘risidagi Nizomlarni, xodimlarining lavozim vazifalari yo‘riqnomalarini;
• taʼlim muassasalariga o‘qishga qabul qilishda test sinovi orqali tanlab olishga oid davlat siyosatini amalga oshirish, test sinovlarini tashkil etish, o‘tkazish, natijalarini tahlil qilish va eʼlon qilish, test texnologiyalarini rivojlantirish, pedagogik o‘lchov vositalarini takomillashtirish, test topshiriqlarini tuzish, ularning yaroqliligini aniqlash, test materiallari bankini shakllantirish, test materiallari mazmunining maxfiyligini saqlash, test sinovlari natijalari xolisonaligini, ishonchliligini va adolatliligini taʼminlash bilan bog‘liq bo‘lgan meʼyoriy-huquqiy hujjatlarni;
• chet tillarini bilish darajasini baholashning milliy test tizimini rivojlantirishga oid meʼyoriy-huquqiy hujjatlarni;
• pedagogik o‘lchov vositalarini ishlab chiqish va ekspertizadan o‘tkazish talablari bo‘yicha ishlab chiqilgan uslubiy ko‘rsatmalarni;
• aprobatsiya o‘tkazilgan test sinovlari natijalari asosida test topshiriqlarining xususiyatlari sifatini tashhislash uchun test topshiriqlarini takomillashtirish bo‘yicha takliflar va tavsiyalarni;
• umumtaʼlim, maxsus va chet tili fanlari bo‘yicha ishlab chiqilgan va aprobatsiyadan o‘tkazilgan test topshiriqlari tuzilmasini;
• test sinovlarini tashkil etish va o‘tkazishga oid masalalari bo‘yicha ishlab chiqilgan o‘quv-uslubiy qo‘llanmalarni;
• test topshiruvchilar uchun test sinovi tartibi bo‘yicha ishlab chiqilgan ko‘rsatmalarni;
• manfaatdor vazirliklar va idoralar bilan birgalikda ishlab chiqilgan test sinovlari natijalarini baholash mezonlarini;
• ilg‘or xorijiy tajribaga tayangan holda ishlab chiqilgan va aprobatsiyadan o‘tkazilgan til ko‘nikmalarini baholash mezonlarini;
• chet tilidan test sinovlaridan o‘tuvchi shaxslar uchun ishlab chiqilgan o‘quv-uslubiy qo‘llanmalarni;
• testologiya, pedagogik o‘lchov vositalarini takomillashtirish, test sinovlarini tashkil etish va test sinovlari natijalari tahliliga oid ilmiy maqolalarni;
• iqtidorli yoshlarni izlash va tanlash uchun maxsus test materiallari jamg‘armasini shakllantirish bo‘yicha takliflarni;
• respublika va xorijda testologiya, test sinovlari texnologiyasi va test materiallari bankini shakllantirish texnologiyasi masalalari bo‘yicha to‘plangan ilg‘or tajribalarni amaliyotga joriy etish yuzasidan takliflarni muhokama qiladi, xulosalar chiqaradi va ular yuzasidan tegishli qarorlar qabul qiladi.

Ilmiy-metodik kengash reglamenti (PDF) 

Ilmiy-metodik kengash tarkibi