1. Loyihani amalga oshirish grafigi

1. Loyiha to‘g‘risidagi batafsil ma’lumot:         

    Loyiha O‘zbekiston Respublikasi Prezidentining 2016 yil 9 sentyabrdagi “Osiyo taraqqiyot banki ishtirokidagi A-380 “G‘uzor-Buxoro-Nukus-Beyneu” avtomobil yo‘lining 228-315 km (87 km) qismini rekonstruksiya qilish loyihasini amalga oshirish chora-tadbirlari to‘g‘risida”gi PQ-2583 sonli qaroriga asosan amalga oshirilmoqda. Loyihaning texnik-iqtisodiy hisobi O‘zbekiston Respublikasi Prezidentining 2019 yil 4 apreldagi PQ-4269-sonli qarori bilan optimallashtirilgan.

Shuningdek, loyiha doirasida imzolangan 3355-UZB-sonli qarz bitimining muddati 2021 yil 23 avgustda yakunlanganligi sababli, O‘zbekiston Respublikasi Prezidentining 2022 yil 4 apreldagi PQ-189-sonli qaroriga asosan, mazkur loyiha Osiyo taraqqiyot banki ishtirokidagi “Surxondaryo viloyatining hududiy avtomobil yo‘llarini rivojlantirish” loyihasi doirasida 2022 yilning 25 mart kuni O‘zbekiston Respublikasi Hukumati bilan Osiyo taraqqiyot banki o‘rtasida yangi 4174-UZB sonli Qarz bitimi imzolandi. Ushbu qarz bitimi A-380 “G‘uzor-Buxoro-Nukus-Beyneu” avtomobil yo‘lining 228-315 km qismini rekonstruksiya qilish loyihasini ham moliyalashtirilishni ko‘zda tutadi.

A-380 “G‘uzor-Buxoro-Nukus-Beyneu” avtomobil yo‘li xalqaro Ye-40 transport yo‘nalishining O‘zbekistondagi qismi hisoblanib, Yevropa davlatlari, Ukraina, Rossiya va Qozog‘iston mamlakatlariga chiqishni ta’minlab, O‘zbekiston orqali transafg‘on transport yo‘nalishiga bog‘lanadi. Mazkur avtomagistral Qoraqalpog‘iston Respublikasi, Xorazm, Buxoro va Qashqadaryo viloyatlari hududidan o‘tib, davlatlararo, viloyatlararo aloqalarni ta’minlaydi. Avtomagistral o‘z navbatida xalqaro ahamiyatdagi M-37 “Samarqand-Buxoro-Olot” va M-39 “Almati-Toshkent-Termez” avtoyo‘llarini bog‘laydigan muhim xalqaro yo‘nalish bo‘lib, transafg‘on transport yo‘nalishining shimoliy tarkibiy qismi ham hisoblanadi. Osiyo taraqqiyot banki ishtirokida A-380 “G‘uzor-Buxoro-Nukus-Beyneu” avtomobil yo‘lining Buxoro viloyatidan o‘tuvchi 228-315 km (87 km) qismida rekonstruksiya qilish ishlari amalga oshirilmoqda. Loyiha 87 km uzunlikdagi avtomobil yo‘lini 4 tasmali sementbeton qoplamali avtomobil yo‘liga rekonstruksiya qilishni nazarda tutadi, shu bilan birga qoplamaning yuk ko‘tarish qobiliyatini 13 tonnaga yetkazishni hisobga olgan. Loyihani amalga oshirish muddati: 2020-2024 yillar. Loyiha hududi Buxoro viloyatida joylashgan.

Loyihaning umumiy qiymati 184,8 million AQSH dollarini tashkil qiladi:

- Osiyo taraqqiyot bankining qarz mablag‘lari - 131,0 million AQSH dollari;

- O‘zbekiston Respublikasining ulushi - 53,8 million AQSH dollari.

OAV orqali Buxoro viloyati avtomobil yo‘llari hududiy bosh boshqarmasi internet saytida maxsus maqola e’lon kilingan. Havolasi:https://telegra.ph/Romitan-j%D1%9Ellardan-muntazam-fojdalanish-unitar-korhonasi-tomonidan-bazharilayotgan-ish-zharayonlaridan-foto-lavhalar-02-25.

       Shuningdek, O‘zbekiston 24 telekanali orkali 2022 yil 5-fevralda havolasi:https://youtu.be/W9Z15rxlU0I hamda 2023 yil 12-avgustda havolasi:https://youtube.com/watch?v=AFdyMJ9tHfM  maxsus reportajlar ko`rsatilgan.

3. Loyiha doirasida amalga oshirilgan ishlar holati:

Qurilishda texnik nazorat olib boruvchi konsalting kompaniya “Dohwa Engineering Co., Ltd.” tomonidan “China Railway 20 Bureau Group Corporation” pudratchi kompaniyasiga 2020 yil 27 iyulda “Ishni boshlash haqida xabarnoma” yuborilgan.

Amalda, CR20BGC kompaniyasi tomonidan ob'ektda qurilish ishlari 2020 yilning sentyabr oyidan boshlandi.

“China Railway 20 Bureau Group Corporation” kompaniyasi tomonidan ob'ektga 3 ta beton zavodi kompleksi olib kelingan bo‘lib, 249 km.da 2 ta M400 markali sementbeton ishlab chiqarish zavodlari hamda 269 km.da M75 markali beton ishlab chiqarish zavodi o‘rnatilib, yo‘l qoplamasini qurish ishlari olib borilgan.

Shuningdek, loyiha doirasida:

       -87 km bo‘lgan avtomobil yo‘li 4 tasmali sementbeton qoplama bilan rekonstruktsiya qilindi (100%);

       -16 ta o‘rta va kichik ko‘priklar qayta qurilgan(100%);

       -57 km bo‘lgan metal to‘siqlar to‘liq o‘rnatilgan (100%);

       -32 km piyodalar yo‘lakchasi qurib bitkazilgan (100%);

       -238 km bo‘lgan yo‘l yoqasi (obochina) qismi to‘liq yotqizilgan(100%);

-Loyiha bo‘yicha ko‘kalamzorlashtirish ishlariga jami 13 410 dona daraxt va butalar ekish ishlari to‘liq yakunlangan (100%);

       -574 km bo‘lgan yo‘l chiziqlari (dorojnaya razmetka) chizilgan(100%);

       -9 ta avtobekat qurildi (100%);

       -45 ta yo‘l tutashmalari (s'ezdlar) qurilgan (100%);

       -848 dona yo‘l belgilari o‘rnatilgan (100%);

2024 yil 1avgust kuni ob'ekt Ishchi komissiyasiga topshirilgan.

       O‘zbekiston Respublikasi Vazirlar Mahkamasining 2025 yil 6 martda Osiyo taraqqiyot banki ishtirokidagi A-380 “G‘uzor–Buxoro–Nukus–Beyneu” avtomobil yo‘lining 228-315 km (87 km) qismini rekonstruktsiya qilish loyihasi” doirasida rekonstruktsiya qilish ishlari yakunlangan ob'ektni foydalanishga qabul qilish bo‘yicha Davlat qabul komissiyasi tarkibini tasdiqlash to‘g‘risidagi 132-F-sonli Farmoyishi e'lon qilindi.

       Hozirgi kunda, Davlat qabul komissiyasini ob'ektni foydalanishga qabul qilish to‘g‘risidagi dalolatnomasini tayyorlash va tasdiqlash ishlari olib borilmoqda.