Oʻzbekiston Respublikasi Transport vazirligi

Shu bois mamlakatimizda bu illatga qarshi kurashish masalasi davlat siyosatining ustuvor yo‘nalishlaridan biri sifatida belgilangan. Zero, korrupsiyaga qarshi kurashish har bir sof vijdonli insonning, demokratik jamiyat va davlatning muqaddas burchidir.

Ushbu yo‘nalishda amalga oshirilayotgan ishlar natijadorligini oshirish, tizimda ochiqlik va shaffoflikni ta’minlash maqsadida Transport vazirligi huzuridagi “O‘zaviatsiya” agentligida “Korrupsiyaga qarshi kurash – jamiyat taraqqiyotining kafolati” mavzusida seminar bo‘lib o‘tdi.

Tadbirda “O‘zaviatsiya” agentligi direktori T.Nazarov va Toshkent aviatsiya transport prokurori adliya katta maslahatchisi Sh.Mamadjanov, Transport vazirligi Korrupsiyaga qarshi kurashish bo‘limi boshlig‘i N. Komilov, “O‘zaviatsiya” agentligi yetakchi mutaxassisi O. Po‘latovlar “Korrupsiyaga qarshi kurashish – jamiyat taraqqiyotining kafolati” haqida ma’ruza qildilar.

Transport vazirligi Korrupsiyaga qarshi kurashish bo‘limi boshlig‘i N.Komilov o‘z ma'ruzasida joriy yilning 5-mart kuni o‘tkazilgan Korrupsiyaga qarshi kurashish bo‘yicha milliy kengashning kengaytirilgan yig‘ilishida belgilab berilgan ustuvor vazifalar ijrosini ta’minlash, korrupsiyani oldini olish ayniqsa maishiy korrupsiyaga barham berish borasidagi masalalarga alohida to‘xtalib o‘tdi. Xususan, ushbu yo‘nalishda davlat xizmatchilari va aholining huquqiy ongini yuksaltirish, korrupsiyaga nisbatan murosasiz munosabatni shakllantirish dolzarb vazifa ekanligini qayd etdi.      

Tadbir yakunida mavzuga oid bir qator fikr mulohazalar bilan almashilib, o‘zaro savol-javoblar o‘tkazildi va ishtirokchilar o‘zlarini qiziqtirgan savollarga atroflicha javob oldilar.