Oʻzbekiston Respublikasi Transport vazirligi

Kiberxavfsizlik sohasi bo‘yicha bilimlarni oshirish, foydalanuvchilarning xabardorligini kuchaytirish va maxsus treninglar o‘tkazish kiberjinoyatlarga qarshi samarali kurashishning muhim omillaridan biridir. 

Ayni shu maqsadda Toshkent shahar IIB va Toshkent shahar prokuraturasi bilan hamkorlikda Firibgarlik, korrupsiya va kiberxavfsizlik jinoyatlari kelib chiqishi va uni oldini olish yuzasidan transport vazirligi markaziy apparati hamda hududiy boshqarmalari xodimlari ishtirokida o‘quv seminari tashkil etildi.

Uchrashuvda mutaxassislar kiberjinoyatlarga qarshi kurash faqat texnologik himoya bilan cheklanmay, balki foydalanuvchilarning ongli va ehtiyotkor bo‘lishini ham talab etishi alohida ta’kidlab o‘tildi.

Kuchli parollar ishlatish, ikki bosqichli autentifikatsiya, antivirus dasturlaridan foydalanish kabi choralarga rioya qilish orqali xavfsizlikni ta’minlash mumkin. Shuningdek, har bir inson internetdan foydalanganda ehtiyotkorlik bilan harakat qilishi,  shubhali havolalardan saqlanishi va shaxsiy ma’lumotlarini himoya qilishi zarurligi aytib o‘tildi.

Zero, kelajakda texnologik taraqqiyot bilan birga kiberjinoyatlar ham yanada rivojlanishi mumkin, shuning uchun har bir inson va tashkilot o‘z xavfsizligini ta’minlashga doimiy ravishda e’tibor qaratishi lozim.

Ishtirokchilarga kiberjinoyatlar bilan samarali kurashish uchun ham texnologik, ham huquqiy jihatdan harakat qilish zarur ekanligi, har bir foydalanuvchi o‘zining axborot xavfsizligiga mas’uliyat bilan yondashishi lozimligi tushuntirildi.