Transport vaziri Turkiyaning O‘zbekistondagi Favqulodda va Muxtor elchisi bilan uchrashdi
2025-09-11 17:00:00 / Yangiliklar
Bugun, 11-sentabr kuni O‘zbekiston Respublikasi Transport vazirligida Vazir Ilhom Mahkamov bilan Turkiya Respublikasining O‘zbekistondagi Favqulodda va muxtor elchisi janob Ufuk Ulutash o‘rtasida uchrashuv bo‘lib o‘tdi.
Uchrashuvda tomonlar transport sohasidagi hamkorlikning bugungi holati va istiqbollarini muhokama etishdi. Xususan, xalqaro transport yo‘laklarini, jumladan O‘rta koridorni rivojlantirish, shuningdek, ikki mamlakat o‘rtasida multimodal tashuvlar va havo qatnovlarini kengaytirish masalalariga alohida e’tibor qaratildi.
Uchrashuv davomida tomonlar transport sohasida hamkorlikni chuqurlashtirish, tajriba almashish va qo‘shma tashabbuslarni amalga oshirishdan manfaatdor ekanliklarini yana bir bor tasdiqlashdi.