Oʻzbekiston Respublikasi Transport vazirligi

Tashrif davomida mutasaddilar avtobuslar uchun mo‘ljallangan ehtiyot qismlar hamda dvigatel ishlab chiqaruvchi "Weichai Power" korxonasi faoliyati bilan yaqindan tanishdi.

Xususan, zavodda avtobuslarga o‘rnatilayotgan dvigatellarning texnik xususiyatlari, quvvati va ishonchliligi yuzasidan  batafsil ma’lumot olindi.

Zavod mutaxassislari bilan bo‘lib o‘tgan muzokaralarda Surxondaryo viloyatiga olib kelinishi rejalashtirilayotgan avtobuslarning barqaror ish faoliyatini ta’minlash maqsadida dvigatellarini viloyat iqlim sharoitlariga moslashtirish masalalari muhokama etildi.

Mazkur tashrif yakunlari bo‘yicha hudud aholisiga xizmat qiladigan yangi avtobuslarning samaradorligi va uzoq muddat ishlashini ta’minlash bo‘yicha muhim kelishuvlarga erishilishi kutilmoqda.