Ijro intizomini mustahkamlash yuzasidan yig‘ilish o‘tkazildi
2025-07-31 16:00:00 / Yangiliklar
Joriy yilning 25-iyul kuni davlatimiz rahbarining “Davlat organlari va tashkilotlarda ijro intizomini yanada mustahkamlashning qo‘shimcha chora-tadbirlari to‘g‘risida”gi PF–117-son Farmoni qabul qilindi. Yig‘ilishda dastlab mazkur Farmonning mazmun va mohiyati ishtirokchilarga batafsil tushuntirildi.
Mazkur farmon bilan davlat organlari va tashkilotlarida ijro intizomini ta’minlash bo‘yicha bir qator yangiliklar, yangi mexanizmlar belgilab berilganligi alohida ta’kidlab o‘tildi.
Yig‘ilishda ijro intizomini ta’minlashda mustahkam tartibni o‘rnatish, tizim yaratish, qolaversa, temir intizomni joyiga qo‘yish hamda rahbarlar va ijrochilar dunyoqarashini o‘zgartirish bugungi kundagi eng muhim vazifalardan biri ekanligi alohida qayd etildi.
Shu nuqtayi nazardan vazirlik va uning tizimida faoliyat yuritayotgan har bir rahbar va xodimlardan shaxsiy javobgarlik, mas’uliyat va daxldorlik hissini to‘liq anglagan holda o‘z ishiga mas’uliyat bilan yondashib, ijro intizomiga qat’iy amal qilishi zarurligi ta’kidlandi.